Agrıs Preımanıs Qazaqstandaǵy EQQDB jańa dırektory bolyp taǵaıyndaldy

ASTANA. QazAqparat - Eýropa qaıta qurý jáne damý banki Agrıs Preımanısti Bank operatsııalarynyń eń iri memleketteriniń biri, bank ınvestıtsııasy 8 mlrd. AQSh dollarynan asqan  Qazaqstan boıynsha jańa dırektor etip taǵaıyndady, dep habarlady EQQDB saıtynda.

Bul týraly búgin EQQDB birinshi vıtse-prezıdenti Fıl Bennettiń jetekshiligimen joǵary laýazymdy delegatsııa barǵan Almaty qalasynda málim etildi.

Latvııa azamaty Agrıs Preımanıs Oksford ýnıversıtetiniń ekonomıka jáne qarjy doktory dárejesine ıe. Ol EQQDB  2010 jyldan beri jumys isteıdi jáne 2014 jyldan beri Ortalyq Azııa óńiri boıynsha bas ekonomıst laýazymyn atqaryp keledi. Bul qyzmette júrip A. Preımanıs Almaty qalasyna aýystyryldy jáne Qazaqstannyń memlekettik qurylymdary men iskerlik ortasyndaǵy EQQDB seriktesterimen tyǵyz baılanys ornatty. Sonymen birge, ol Qazaqstannyń sheteldik ınvestorlar keńesinde ınnovatsııalyq-tehnologııalyq damý jáne ekonomıkany ártaraptandyrý boıynsha jumys tobynyń teń tóraǵasy jáne operatsııalar boıynsha komıtet múshesi bolyp tabylady.

Óz qyzmetinde doktor Agrıs Preımanıs Djanet Hekman hanymdy almastyrady. Djanet Hekman Ońtústik jáne Shyǵys Jerorta teńizi óńirleri boıynsha EQQDB basqarýshy dırektory atandy.