Agressorlar men abıýzerler qatań jazaǵa tartylady

<p>ASTANA. KAZINFORM &ndash; Májilis tóraǵasy Erlan Qoshanov búgin <a href="https://kaz.inform.kz/news/mazhls-ayelderdn-kukiktari-men-balalardin-kaupszdgn-kamtamasiz-etetn-zandardi-kabildadi-8d810c/" target="_blank" rel="noopener">tómengi palata qabyldaǵan</a> áıelderdiń quqyqtary men balalardyń qaýipsizdigin qamtamasyz etetin Zańdarǵa qatysty pikir bildirdi.&nbsp;</p>

«Búgin biz óte mańyzdy Zań qabyldadyq. Bul qujat Memleket basshysynyń tapsyrmasymen ázirlenip, zań ústemdigi men tártipti qamtamasyz etýge tikeleı baǵyttalǵan. Otbasy men turmystaǵy zorlyq-zombylyq — qoǵamda jıi talqylanatyn ózekti ári óte ótkir másele. Atalǵan problemany quqyq qorǵaýshylar men depýtattar ǵana aıtyp júrgen joq. Áıelder men balalardyń qorǵansyzdyǵy jaıyndaǵy másele BAQ-ta, áleýmettik jelide óte jıi kóterilýde. Agressorlar men abıýzerlerdiń kesirinen qanshama shańyraq shaıqalyp, áıel taǵdyry talqyǵa túsip, balalar zardap shegýde», — dedi Májilis spıkeri.

Onyń atap ótýinshe, áıelder men balalarǵa qatysty zorlyq-zombylyq úshin jaýapkershilikti qataıtýdy jurtshylyq kópten beri talap etip keledi.

«Endi Zań boıynsha mundaı qylmystar úshin qatań sharalar qoldanylady. Ol óte oryndy. Jalpy, áıelder men balalarǵa kúsh kórsetýge, agressııa men zorlyq-zombylyqqa jol bergizbeýge tıispiz. Ata dástúrlerimizdi berik ustanyp, erli-zaıyptylar arasynda shynaıy qurmet, syılastyq pen balalarǵa degen qamqorlyq ornyǵýy qajet. Óte aýqymdy jumys atqaryldy», — dedi Erlan Qoshanov.