Agrarlyq nesıe korporatsııasy agroónerkásip keshenindegi saqtandyrý operatory boldy
«Báıterek» Holdınginiń enshiles kompanııasy - Agrarlyq nesıe korporatsııasy klıentterge toǵyz erikti saqtandyrý ónimderin usynady.
Tıimdi usynys aýyl sharýashylyǵy taýar óndirýshilerin yntalandyrýǵa jáne saqtandyrý shartyn jartylaı arzandatýǵa baǵyttalǵan, óıtkeni saqtandyrý syılyqaqysynyń 50% memleket esebinen óteledi.
Qazaqstandyq agrarshylar egin nemese aýyl sharýashylyǵy janýarlaryn saqtandyrý arqyly ózderiniń óndiristik táýekelderin azaıta alady.
«Ósimdik sharýashylyǵynda dándi daqyldar (bıdaı, arpa, júgeri, suly) men maıly daqyldar (kúnbaǵys, raps, zyǵyr) saqtandyrylýǵa jatady. Bul saqtandyrý ónimi topyraqtaǵy ylǵal ındeksine, ıaǵnı onyń jetispeýshiline jáne artyq bolýyna negizdeledi. Sonyń arqasynda kásipkerler óz táýekelderin qurǵaqshylyqtan nemese jaýyn-shashynnan saqtandyra alady», - dep atap ótti Agrarlyq nesıe korporatsııasynyń saqtandyrý departamentiniń dırektory Ásemgúl Mustafına.
Dırektor departamentiniń málimetinshe, mal sharýashylyǵyndaǵy saqtandyrý qorǵaýy iri qara maldyń óz sharýashylyǵynyń aýmaǵynda, 5 km radıýstaǵy (keńeıtilgen qamtý) kórshi sharýashylyqtardyń aýmaǵynda, aýrý saldarynan ólýinen, soıýynan jáne joǵalýynan, órt, jazataıym oqıǵalar, dúleı apattar men urlyqtar bolǵan jaǵdaıda usynylady.
Qoldau.kz aýyl sharýashylyǵy taýaryn óndirýshiniń elektrondyq tsıfrlyq qoltańbasy negizinde, shart jasasýdan bastap tólemderge deıingi barlyq rásimder platformada ornalasqan Agroinsurance Aqparattyq servısinde júrgiziletin bolady.
Servıs tolyǵymen avtomattandyrylǵan, eger saqtandyrý jaǵdaıy týyndasa, klıenttiń júıedegi jeke kabınetine jáne jeke elektrondyq poshtasyna habarlama keledi.
Budan ári ETsQ kómegimen saqtanýshy tólemdi qamtamasyz etetin saqtandyrý kompanııasyna tólem týraly ótinish resimdeýi qajet.
Júıede tek lıtsenzııalanǵan saqtandyrý kompanııalary jumys isteıdi.
Saqtandyrý ónimi sheńberindegi táýekelder álemdik saqtandyrý naryǵynda «A» reıtıngisi bar Halyqaralyq qaıta saqtandyrý kompanııalary saqtandyrylady.
Bul saqtandyrý jaǵdaılary týyndaǵanda kepildendirilgen tólemderdi qamtamasyz etýge múmkindik beredi.
Esterińizge sala keteıik, «Báıterek» Holdıngi AÓK salasyn qarjylandyratyn eki enshiles uıymdy biriktirýdi aıaqtady.
Aǵymdaǵy jyldyń 13 jeltoqsanynan bastap «Aýyl sharýashylyǵyn qarjylaı qoldaý qory» AQ klıentteriniń nesıeleri boıynsha barlyq mindettemeler «Agrarlyq nesıe korporatsııasy AQ-na aýysty.
Budan basqa Agrarlyq nesıe korporatsııasyna AShQQQ-nyń mıkrobıznesti kredıtteý, Agroónerkásiptik keshendegi saqtandyrý operatorynyń jáne «Dıplommen aýylǵa!» jobasy sheńberinde aýyldyq ıpoteka boıynsha senim bildirilgen ókildiń (agenttiń) fýnktsııalary berildi.