Agrarlyq oqý oryndarynyń bilim baǵdarlamasy ózgeredi

<p>Agrarlyq joǵary oqý oryndarynyń oqý baǵdarlamasyn zaman aǵymyna qaraı ártaraptandyrý qarastyrylyp jatyr. Bul týraly Senatta agrarlyq ǵylymdy damytý taqyrybyna arnalǵan Úkimet saǵatynda Aýyl sharýashylyǵy mınıstri Aıdarbek Saparov málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Agrarlyq saladaǵy adamı kapıtalǵa da nazar aýdarýymyz qajet. Sebebi agrarlyq saladaǵy mamandar, onyń ishinde orta býyndy mamandar aýyldy eldi mekenderde tapshy. Onyń negizgi sebepteriniń biri - bul salada eńbekaqy tómen. Sonymen qatar, qaladaǵy mektep bitirýshi jastarymyz agrarlyq mamandyqtardy tańdamaıdy. Agrarlyq mamandyqtarǵa memlekettik tapsyrys barysynda aýyldyq kvotanyń tómen bolýy da óz áserin tıgizip jatyr. Máselen, agrarlyq oqý oryndaryna aýyldyq kvota - 30 paıyz ǵana. Al, aýylda mektep bitirgen jastarymyz agrarlyq joǵary oqý oryndaryna qujat tapsyrý barysynda shekti baldan óte almaıdy. Oqýǵa túsip, ýnıversıtetti támamdaǵan mamandarymyz aýylǵa barmaıdy. Osy sebepten agrarlyq salada kadr tapshylyǵy baıqalyp otyr», - dedi A. Saparov.

Onyń aıtýynsha, agrarlyq joǵary oqý oryndarynyń oqý baǵdarlamacyn zaman aǵymyna qaraı ártaraptandyrý qarastyrylyp otyr.

«Budan bólek, biz damyǵan sheteldik ǵylymda fýnktsıonaldy ıntegratsııalanǵan «kadr daıarlaý – ǵylymı zertteýler - óndiris» modelindegi zertteý ýnıversıtetterine de nazar aýdarýymyz qajet. Ǵylymdy damytýdyń mundaı modelin eldegi agrarlyq zertteý ınstıtýttars men ýnıversıtetterdiń damý baǵdarlamacyna engizip, sol arqyly básekege qabiletti agroónerkásip keshenin qalyptastyrýdy josparlap otyrmyz», - dedi mınıstr.