«Agrarlyq nesıe korporatsııasynyń» SQO fılıaly basshysy para alý kúdigimen ustaldy

<p>Soltústik Qazaqstan oblysy boıynsha Sybaılas jemqorlyqqa qarsy qyzmet &laquo;Agrarlyq nesıe korporatsııasy&raquo; AQ oblystyq fılıalynyń basshysyn ustady. Onyń ustalýy &laquo;Bızneske jol&raquo; jobasyn iske asyrýmen baılanysty, dep habarlaıdy&nbsp;<a href="https://kaz.inform.kz/" target="_blank" rel="noopener">QazAqparat.</a></p>

QR Sybaılas jemqorlyqqa qarsy is-qımyl agenttiginen málim etkendeı, fılıal basshysy aýylsharýashylyq taýaryn óndirýshilerden birneshe ret para aldy dep kúdiktelýde. Para somasy –100 myńnan 500 myń teńgege deıin.

Para QR Agroónerkásiptik keshenin damytý jónindegi 2021-2025 jyldarǵa arnalǵan ulttyq joba sheńberinde bólinetin kredıttik qaryzdardy berý máselesin oń jáne kedergisiz sheshý úshin alynǵan.

«Kúdikti Petropavl qalasynyń ýaqytsha ustaý ızolıatoryna qamaldy. Sotqa deıingi tergeý jalǵasyp jatyr. Qylmystyq-protsestik kodeksiniń 201-babyna sáıkes tergeý múddesi úshin ózge aqparat jarııa etýge jatpaıdy», - delingen agenttik málimetinde.

Antıkor eske salyp ótkendeı, Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáıkes, sot úkimi zańdy kúshine engenge deıin kúdikti kinásiz dep esepteledi.

«Bızneske jol» jobasynyń maqsaty – kásipkerlerge ártúrli ákimshilik kedergilerdi, qujattardy resimdeý kezinde áýre-sarsańdardy eńserýge kómektesý, memlekettik qyzmetshiler qabyldaıtyn sheshimderdiń merzimderi men ashyqtyǵyn saqtaýdy qamtamasyz etý.