«Agrarlyq nesıe korporatsııasy» AQ Aqtóbe fılıaly dırektorynyń burynǵy orynbasary sottaldy

<p>&laquo;Agrarlyq nesıe korporatsııasy&raquo; AQ Aqtóbe fılıaly dırektorynyń burynǵy orynbasary alaıaqtyq áreketi úshin sottaldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Qarjylyq monıtorıng agenttigi baspasóz qyzmetiniń málimetinshe, sotqa deıingi tergep-tekserý barysynda sharýa qojalyǵynyń basshysy shetelden ákelingen 277 bas asyltuqymdy maldy satyp alý úshin «Sybaǵa» baǵdarlamasy boıynsha nesıe jelisin ashý týraly ótinishpen korporatsııa fılıalyna júgingeni anyqtaldy.

Oǵan 90 mln teńge kóleminde nesıe qarajaty bólindi. Osydan keıin sottalǵan azamat sharýa qojalyǵynyń basshysyn aldaý arqyly Reseıden mal satyp alý-jetkizý týraly JShS-men shart jasatqan.

Sharýa qojalyǵynyń basshysy esep aıyrysý shotyna 90 mln teńge aýdarǵan, biraq bul qarajatty korporatsııanyń Aqtóbe fılıaly dırektorynyń orynbasary jeke qajettilikterine jumsaǵan. Ol bes jylǵa bas bostandyǵynan aıyryldy.

«Eger siz ókilettikterdi teris paıdalaný, qarajatty jymqyrý nemese basqa da ekonomıkalyq quqyq buzýshylyqtar faktileri jaıly bilseńiz, «AFM Insider» telegram botyna habarlaýyńyzdy suraımyz. Anonımdilikke kepildik beriledi», - delingen habarlamada.