Agrarlyq ǵylymı jetistikter tek qaǵaz júzinde qalyp jatyr – Jaqyp Asanov

<p>Fermerler ózine kerek ónimderdi shetelden alyp jatyr. Bul týraly agrarlyq ǵylymdy damytý taqyrybyna arnalǵan Úkimet saǵatynda Senat tóraǵasynyń orynbasary Jaqyp Asanov málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Ǵylymı jańalyqtardy engizý jaǵynan álemdik kóshten qalyp kele jatqan sııaqtymyz. Bizde úsh arnaıy agrarlyq ýnıversıtet, 34 ǵylymı-zertteý ınstıtýty men ortalyqtary, tájirıbelik stantsııalar bar. Onda 2,5 myńdaı ǵalym jumys istep jatyr. Biraq osynyń bári kóp paıda beredi dep aıtý qıyn. Sharýalarǵa kerektiń kóbisin shetelden alamyz. Bıdaı tuqymyn, mıneraldy tyńaıtqyshtardy, tehnıkany syrttan tasyp jatyrmyz. Jerdiń qunaryn jaqsartatyn ǵylymı negizderdi de engize almaı júrmiz», — dedi J. Asanov.

Bul turǵyda ol mal sharýashylyǵynda da jaǵdaı osyndaı ekenin aıtty.

Innovatsııalyq tehnologııanyń bári shetelden jetkizilip jatyr.

«Sonda „bizdiń agrarlyq ǵylym nemen aınalysyp jatyr?“ degen oryndy suraq týady. Keıingi 20 jylda bir bitpeı jatqan reformalar. 9 jyl buryn barlyq ǵylymı ınstıtýt pen oqý oryndaryn biriktiretin Ulttyq agrarlyq ǵylymı ortalyq quryldy. Biraq, basshylar shaq kelmedi. Zertteý ınstıtýttary tek kóshýmen júr. Bul — reforma emes, tek ımıtatsııa. Árıne, agrarlyq ǵylym quldyraý ústindep dep aıtýdan aýlaqpyz. Іzdenip jańalyq ashyp jatqan ǵalymdar barshylyq. Biraq sol ǵylymı jetistikter tek qaǵaz júzinde qalyp, óndiriske engizilmeı jatyr. Keıbir tehnıka men tehnologııany basqa elden alyp kelýge qarsy emespiz. Múmkin ol tıimdi de shyǵar. Alaıda jerdiń qunarlyǵyn kóterý, sebetin tuqym men organıkalyq tyńaıtqyshtardy óndirý, óz jaǵdaıymyzǵa beıimdelgen sharýashylyqty damytý, onyń ónimdiligin kóbeıtý, álemge ulttyq ónimderdi shyǵarý — ol tek ózimizdiń mindetimiz. ıAǵnı bizdiń ǵylymnyń mindeti. Nege osy kúrdeli máselelerdi sheshe almaı kelemiz? Soǵan naqty jaýap estisek degen maqsatpen búgin jınalyp otyrmyz», — dedi Senat tóraǵasynyń orynbasary.