Aǵybaı Ámirın Pavlodar oblysy tsıfrlyq tehnologııa basqarmasynyń basshysy boldy

<p>PAVLODAR. KAZINFORM — Pavlodar oblysy ákiminiń ókimimen tsıfrlyq tehnologııalar basqarmasynyń basshysy qyzmetine Aǵybaı Qoıshybaıuly Ámirın taǵaıyndaldy. </p>

Aǵybaı Ámirın 1972 jyly 9 mamyrda Baıanaýyl aýdanynda dúnıege kelgen.

Bilimi joǵary.

1995 jyly S. Toraıǵyrov atyndaǵy Pavlodar memlekettik ýnıversıtetin «matematıka jáne ınformatıka muǵalimi», 2006 jyly Qazaq gýmanıtarlyq-zań ýnıversıtetin «quqyqtaný», 2013 jyly Innovatsııalyq Eýrazııa ýnıversıtetin «ekonomıka jáne bıznes» magıstri mamandyǵy boıynsha aıaqtaǵan. 

2003 jyldan Aqsý qalasynyń Aqjol aýyldyq okrýginiń ákimi qyzmetin atqardy.

2006-2008 jyldary QR Memlekettik qyzmet isteri agenttiginiń Pavlodar oblysy boıynsha basqarmasynyń memlekettik qyzmet jáne sybaılas jemqorlyqqa qarsy kúres týraly zańnamanyń saqtalýyn baqylaý bóliminiń keńesshisi, keıin basshysy bolyp jumys istedi.

2012-2014 jyldary Pavlodar oblysy ákimi apparatynyń uıymdastyrý-baqylaý bóliminiń basshysy bolyp qyzmet etti.

2014-2016 jyldary — Pavlodar oblysy ákimi apparaty basshysynyń orynbasary, ádep jónindegi ýákil.

2016 jyldyń 18 qarashasynan 2018 jyldyń 21 mamyryna deıin Aqtoǵaı aýdanynyń ákimi.

2018 jyldyń mamyrynan 2020 jyldyń naýryzyna deıin — Pavlodar oblysy ákimi apparatynyń basshysy.

Osy laýazymǵa taǵaıyndalǵanǵa deıin Maı aýdanynyń ákimi qyzmetin atqardy.