Agenttik eskertý jasady: Qarjylyq monıtorıng atynan habarlasatyn alaıaqtar kóbeıdi

<p>ASTANA. KAZINFORM &ndash; Qarjylyq monıtorıng agenttigi telefon arqyly jasalǵan alaıaqtyq faktileri týraly habarlady.&nbsp;</p>

Alaıaqtar telefon qońyraýlary nemese habarlama jiberý arqyly ózderin QMA qyzmetkerleri retinde tanystyrýy múmkin. Suhbat barysynda Qazaqstan rezıdentteriniń qarajatyn banktik shottardan qylmystyq jolmen alýdyń ártúrli shemalaryn syltaý etip, alaıaqtyqtyń yqtımal belgilerine jáne QMA tarapynan qoıylǵan shekteýlerge baılanysty bankterdegi shottar boıynsha operatsııalardy toqtata turý týraly habardar etedi. Ary qaraı, alaıaqtar banktik shottardyń rekvızıtterin, zańmen qorǵalatyn jáne qupııa, jarııa etilmeıtin derekterdi usynýdy suraıdy. 

Áńgimelesý barysynda jábirlenýshige Agenttik atynan jalǵan qujattar jiberiledi, onda memlekettik organnyń qoly, ataýy, móri men rekvızıtteri ornalastyrylady. Bul rette, qońyraý shalýshylar óz áreketteri jaıly eshkimge habarlamaýyńyzǵa keńes beredi. 

«Qarjylyq monıtorıng agenttigi jeke tulǵalardyń shottaryna qyzmet kórsetpeıtinin, aqshalaı esep aıyrysýlar ne operatsııalar júrgizbeıtinin jáne jeke tulǵalarmen baılanys ornatýǵa baǵyttalǵan qyzmetti iske asyrmaıtynyn resmı túrde málimdeıdi», - delingen Agenttik habarlamasynda. 

Eske sala keteıik, buǵan deıin alaıaqtar UQK atynan adamdarǵa qońyraý shalyp, qujat jiberip jatqany habarlanǵan edi.