Agenttik jemqorlyqqa jıi jol beretin ákimdikterdi jarııalady

NUR-SULTAN. QazAqparat - QR Sybaılas jemqorlyqqa qarsy is-qımyl agenttigi Preventsııa departamentiniń basshysy Anar Jarova sybaılas jemqorlyq faktileri jıi bolǵan ákimdikterdi jarııalady, dep habarlaıdy QazAqparat tilshisi.

«Ákimdikter men olardyń qurylymdyq bólimsheleri qyzmetkerleriniń arasynda jemqorlyq úshin sottalǵandardyń eń kóp sany Túrkistan jáne Shyǵys Qazaqstan oblystarynda kezdesedi – 37, sodan keıin Jambylda – 30, Aqmolada – 19, Almaty men Qostanaıda – 15, Atyraý, Mańǵystaý jáne Qyzylorda oblystarynda – 14», - dedi Anar Jarova agenttiktiń baspasóz ortalyǵynda ótken brıfıngte.

Sonymen birge, spıker jergilikti atqarýshy organdardyń sybaılas jemqorlyqqa kóbirek ushyraıtyn salalary týraly túsinik berdi.

«Monıtorıng kórsetkendeı, jergilikti atqarýshy organdarda jemqorlyq qylmystar kóbinese bilim berý salasynda (54), jer qatynastary (29), aýyl sharýashylyǵy (27), sáýlet jáne qurylys (25), turǵyn úı-kommýnaldyq sharýashylyǵy (19) salalarynda jasalady», - dep atap ótti ol.

Sybaılas jemqorlyqqa qarsy qyzmet oblystardyń jáne Nur-Sultan, Almaty, Shymkent qalalarynyń ákimdikterine atalǵan monıtorıng nátıjelerin eskere otyryp, sybaılas jemqorlyq qaýpi bar jergilikti atqarýshy organdardyń qyzmetine ishki taldaý júrgizýdi usynǵan.