Agenttik jemqorlyqqa qatysty qansha adam shetelde jasyrynǵanyn jarııalady
Bul týraly atalǵan agenttik tóraǵasynyń birinshi orynbasary Oljas Bektenov málim etti, dep habarlaıdy QazAqparat tilshisi.
«Jalpy, sybaılas jemqorlyqqa qarsy qyzmet búginde 65 qylmyskerdi izdestirip jatyr. Sybaılas jemqorlyqqa qatysty bul adamdardyń arasynda 33-i shetelde jasyrynyp júr», - dedi O. Bektenov Ortalyq kommýnıkatsıalar qyzmetinde.
Budan buryn habarlanǵandaı, Qazaqstan Eýropa keńesiniń Sybaılas jemqorlyqqa qarsy memleketter toby (GREKO) bastamasyna qosyldy.
GREKO-ǵa qosylý Eýropa Keńesiniń sybaılas jemqorlyq úshin qylmystyq jaýapkershilik týraly konventsııasyn ratıfıkatsııalaýǵa jol ashady. Bul óz kezeginde qylmyskerlerdi ekstradıtsııalaý, olardyń zańsyz tapqan múlkin qaıtarý máseleleri boıynsha Eýropa elderimen yntymaqtastyqty kúsheıtýge múmkindik beredi.