Agenttik Sý resýrstary komıtetiniń burynǵy basshysyna qatysty pikir bildirdi

NUR-SULTAN. QazAqparat – QR Sybaılas jemqorlyqqa qarsy kúres agenttigi tóraǵasynyń birinshi orynbasary Oljas Bektenov Sý resýrstary komıtetiniń burynǵy basshysy Islam Ábishevke qatysty qylmystyq is boıynsha pikir bildirdi, dep habarlaıdy QazAqparat tilshisi.

«Ekologııa, geologııa jáne tabıǵı resýrstar mınıstrliginiń salalary jemqorlyq táýekelderine aıtarlyqtaı jaqyn. Ókinishke qaraı, bizdiń tájirıbede de atalǵan salalardyń qyzmetkerleri tarapynan sybaılas jemqorlyq faktileri anyqtaldy. Ózderińiz biletindeı, Sý resýrstary komıtetinde de aıtarlyqtaı salmaqty quqyqbuzýshylyq anyqtalǵan bolatyn. Qazirgi ýaqytta atalmysh komıtettiń tóraǵasy tergelýde. Para alý faktisi boıynsha qylmystyq is aıaqtalýǵa jaqyn qaldy. Sot bul iske jaqyn arada núkte qoıady», - dedi Oljas Bektenov Ekologııa, geologııa jáne tabıǵı resýrstar mınıstrliginde ótken alqa otyrysynda.

Aıta ketsek, atalmysh otyrysta Qazaqstannyń Ekologııa, geologııa jáne tabıǵı resýrstar mınıstri Maǵzum Myrzaǵalıev pen Oljas Bektenov mınıstrlikte «Adaldyq alańy» jobalyq keńsesin ashý týraly tıisti qujatqa qol qoıdy.

Eske sala ketsek, osy jyldyń naýryz aıynda QR Aýyl sharýashylyǵy mınıstrligi Sý resýrstary komıtetiniń (sol tusta komıtet AShM-ge qaraǵan) tóraǵasy Islam Ábishev qamaýǵa alynǵan bolatyn. Islam Ábishevke jemqorlyqqa qylmysyna qatysty birqatar aıyp taǵylyp otyr.