Agenttik «A» korpýsynyń kadr rezervin qysqartýdyń sebebin atady

NUR-SULTAN. QazAqparat – Qazaqstanda memlekettik qyzmetshilerdiń «A» korpýsynyń kadr rezervin qysqartý josparlanýda. Búgin Parlament Májilisinde tıisti zań jobasyn tanystyrý barysynda QR Memlekettik qyzmet isteri agenttigi tóraǵasynyń orynbasary Marat Dáýeshev osylaı aıtty, dep habarlaıdy QazAqparat tilshisi.

«Atap aıtqanda, «A» korpýsynyń kadr rezervi qysqartylady. Sońǵy eki jyldaǵy taǵaıyndaýlardyń taldaýy olardyń 66 paıyzy kadrlyq rezervten tys júzege asyrylatynyn kórsetti. Bul rezervke alynǵan tulǵalardyń memlekettik organdardyń salalyq qajettilikterine keıbir jaǵdaıdarda kelmeıtindiginen bolyp otyr», - dedi M. Dáýeshev.

Onyń sózine qaraǵanda, búgingi tańda «A» korpýsynyń rezervinde 26 adam bar. «A» korpýsynyń kadr rezervine sońǵy irikteý 2 jyl buryn, ıaǵnı 2017 jyly ótkizildi.

«Sonymen qatar, osy rezervti qysqartý «A» korpýsynyń laýazymdaryna úmitkerler tobyn keńeıtýge, sondaı-aq atalǵan laýazymdardy jedel toltyrýǵa múmkindik beredi. Bastama Memleket basshysynyń 2019 jylǵy 18 qarashadaǵy qararymen maquldandy», - dedi agenttik ókili.

Budan buryn habarlanǵandaı , Májiliste Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» zań jobasy tynystyryldy.