Agent bank «Qazaq Banki» AQ salymshylaryna ótem tóleýdi jalǵastyrady

ALMATY. QazAqparat – Qazaqstannyń depozıtterge kepildik berý qory (QDKBQ) «Qazaq Banki» AQ salymshylaryna agent bank arqyly kepildik berilgen ótem tóleý merzimin 2021 jyldyń 24 sáýirine deıin uzartty, dep habarlaıdy QazAqparat tilshisi.

«Qazirgi ýaqytta QDKBQ «Qazaq Banki» AQ salymshylary aldyndaǵy mindettemeleriniń jalpy somasynyń 99 paıyzyn oryndady. ıAǵnı eki jylǵa sozylǵan tólem barysynda salymshylar 20,3 mlrd teńgege kepildik berilgen ótem aldy. Bul rette ótem alýǵa bar bolǵany 5,9 myń adam nemese salymshylardyń jalpy sanynyń 33 paıyzy ǵana ótinish bergen», - dep habarlady qordan.

«Qazaq Banki» AQ salymshylary kepildik berilgen ótemdi alý jónindegi ótinishpen agent banktiń bólimshelerine júginýge quqyly. Bul úshin saıt nemese 5050 qysqa nómiri boıynsha anyqtama qyzmetinen fılıaldardyń jumys kestesi týraly aldyn ala bilip alýǵa bolady.

Eske salaıyq, «Qazaq Banki» AQ depozıtterinde, aǵymdaǵy jáne kartochkalyq shottarynda aqshalary bar salymshylar kepildik berilgen ótemdi alýǵa ótinish bere alady.

Kepildik mólsheri:

– ulttyq valıýtadaǵy qarajattar boıynsha – 10 mln teńgeden;

– shetel valıýtasyndaǵy qarajattar boıynsha (bankti májbúrlep taratý týraly sot sheshimi zańdy kúshine engen kúni belgilengen valıýta aıyrbastaý baǵamy boıynsha) – 5 mln teńgeden aspaıdy.

Salymshy depozıtteriniń túri men valıýtasyna qaraı 15 mln teńgege deıin kepildik berilgen jıyntyq ótem ala alady.

Tólem somasyn esepteýge baılanysty suraqtar týyndaǵan jaǵdaıda, salymshylar «Qazaq Banki» AQ taratý komıssııasyna myna mekenjaılar boıynsha júginýleri qajet:

Almaty q., Tólebaev kóshesi, 38/61, «Jetisý» BO, 4 qabat (Maqataev kósh. buryshy), telefon: [phone];

Nur-Sultan q., Almaty aýdany, A.Imanov kóshesi 11, «Nursáýlet» BO, telefon: [phone].