Aǵdamda túrik-reseı monıtorıng ortalyǵy jumysyn bastaıdy

BAKÝ. QazAqparat – Búgin Aǵdamda Ázerbaıjan, Reseı jáne Armenııa elderi kóshbasshylarynyń birlesken málimdemesi aıasynda qurylǵan túrik-reseılik birlesken monıtorıng júrgizý ortalyǵy óz jumysyn bastaıdy, dep habarlaıdy QazAqparat.

Ázerbaıjan Respýblıkasynyń prezıdenti, Reseı Federatsııasynyń prezıdenti jáne Armenııa premer-mınıstriniń birlesken málimdemesiniń tıisti tarmaǵymen qurylǵan túrik-reseı birlesken monıtorıng ortalyǵy búginnen bastap óz qyzmetin bastaıdy. Birlesken monıtorıng ortalyǵyna qatysýshy túrik áskerı qyzmetkerleri Ázerbaıjanǵa keldi. Bul týraly ÁZERTADJ-ǵa bergen suhbatynda eldiń Qorǵanys mınıstrligi baspasóz qyzmetiniń bastyǵy, polkovnık Vagıf Dargıahly málimdedi.

Ázerbaıjan qorǵanys vedomstvosynyń ókili bul ortalyqta jumys isteıtin reseılik áskerı qyzmetkerlerdiń Ázerbaıjanǵa jetkenin málim etti, dep habarlady TASS .

Eske sala ketsek, 2020 jyldyń 27 qyrkúıeginde Taýly Qarabaqtaǵy jaǵdaı shıelenisip, daýly aımaqta belsendi urys bastaldy. 9 qarasha kúni RF prezıdenti Vladımır Pýtın, Ázerbaıjan prezıdenti Ilham Álıev jáne Armenııa prezıdenti Nıkol Pashınıan Taýly Qarabaqta áskerı qımyldardy tolyq toqtatý týraly birlesken málimdemege qol qoıdy. Reseı kóshbasshysynyń habarlaýynsha, ázerbaıjan jáne armıan taraptary bos emes pozıtsııalarda qalady, al óńirde RF bitimgerleri ornalastyrylady.