Aǵaıyndy-bıznesmender elordalyq úleskerlerdiń 388 mln teńgesin urlady

ASTANA. QazAqparat - Elordada aǵaıyndy Jubatqanovtar úleskerlerdiń qarajatyn talan-tarajǵa salǵany úshin sottaldy, dep habarlaıdy QazAqparat tilshisi QR Qarjy mınıstrligi Memlekettik kirister komıtetiniń baspasóz qyzmetine silteme jasap.

Atap ótilgendeı, «Astana qalalyq memlekettik kirister departamentiniń Ekonomıkalyq tergeýler qyzmeti «Injenerlik-servıstik kompanııasy» JShS-nyń basshylary - aǵaıyndy Jubatqanovtarǵa qatysty 72 epızodtyq qylmysty tergeýdi aıaqtady. Olar Ońtústik-shyǵys shaǵyn aýdanynda turǵyn úı keshenin salý barysynda úleskerlerdiń qarajatyn urlady dep aıyptalǵan.

«Qylmystyq isti tergeý barysynda Astana qalalyq MKD Ekonomıkalyq tergeýler qyzmetiniń qyzmetkerleri 388 mln teńge mólsherinde zalaldy anyqtady. Atalǵan qarajattardy «Injenerlik-servıstik kompanııa» JShS-nyń basshylary Q.M.Jubatqanov pen Ǵ.M.Jubatqanov jeke maqsattaryna jumsaǵan», - delingen taratylǵan aqparatta.

Sonymen qatar vedomstvonyń atap ótýinshe, qylmystyq is aıasynda kúdiktilerdiń 510 mln teńgeni quraıtyn múlkine arest qoıylǵan. Olardyń qatarynda jer telimi, páterler, Astana qalasynda, sonymen qatar Batys Qazaqstan, Aqtóbe oblystarynyń aýmaqtarynda ornalasqan ónkerkásiptik-óndiristik ǵımarattar, úleskerlerdiń qarajatyna satyp alynǵan avtokólik quraldary bar.

2017 jyldyń 22 jeltoqsanynda  úleskerlerdiń aqsha qarajattaryn urlaý faktisi boıynsha aǵaıyndy Jubatqanovtarǵa qatysty qylmystyq is Astana qalasy Almaty aýdandyq prokýratýrasyna joldanǵan. 2018 jyly Astana qalasy Saryarqa aýdandyq №2 sotynyń úkimimen Q.M.Jubatqanov pen Ǵ.M.Jubatqanov 8 jylǵa bas bostandyqtarynan aıyryldy jáne múlikteri tárkilendi.