Aǵa serjant K.Golovatyı memlekettik tildi jetik biletin áskerı atandy (FOTO)
«Atalǵan baıqaýǵa Qurlyq áskerleriniń, Áskerlerdi páterlerge ornalastyrý bas basqarmasynyń, Baılanys bas basqarmasynyń, Áskerı polıtsııa bas basqarmasynyń, Sport komıteti - Armııa ortalyq sport klýbynyń jáne 14776 áskerı bóliminiń ulty qazaq emes áskerı qyzmetshileri qatysty», delingen mınıstrliktiń habarlamasynda.
Baıqaý qorytyndysy boıynsha birinshi oryndy 55765 áskerı bóliminen aǵa serjant Konstantın Golovatyı jeńip aldy. Ekinshi oryn - QR QK Qurlyq áskerleriniń bas qolbasshylyǵynyń áskerı qyzmetshisi aǵa leıtenant Tımýr Hýrsanbekke, al úshinshi oryn - QR QK Áskerı polıtsııa bas basqarmasynyń áskerı qyzmetshisi kapıtan Hýrsanbek Mahmýdovqa buıyrdy.
Baıqaý úsh kezeńnen turdy. Birinshi kezeńde qatysýshylar M.Maqataevtyń óleńderin jatqa oqysa, ekinshi «Polıglot» kezeńinde saıysty, al úshinshi kezeńde úı tapsyrmasynyń suraqtaryna jaýap berýden jarysty. Baıqaýdyń ár kezeńderinde áskerı qyzmetshi sóz sóıleý máneri men sheberligin, ádebı til baılyǵy men sózdik qoryn kórsetýi tıis bolatyn.
QR Qarýly Kúshteriniń áskerı qyzmetshileri úshin memlekettik tildi úırený múmkindigi bar ekenin aıta ketken jón. Áskerı qyzmetshiler bir deńgeıden ekinshi deńgeıge ótip otyrýyna baılanysty jylda oqıtyndar sany ózgeredi, al qazaq tiliniń tereńdetilgen kýrsyn aıaqtaǵandar oqýdy támamdaıdy. Tildi daıarlaý úsh deńgeıde ótedi. Olar - bastapqy, jalǵastyrýshy jáne tereńdetilgen deńgeıler. Memlekettik tildi ofıtserler men qyzmetkerler ǵana emes, sonymen qatar QR Qarýly kúshteriniń basshylyq jáne komandalyq quramy da oqıdy.