AFSA jurtshylyqqa ACLB Management Company Limited kompanııasy týraly eskertý jasady

<p>ASTANA. KAZINFORM - &laquo;Astana&raquo; halyqaralyq qarjy ortalyǵy Qarjylyq qyzmetter kórsetýdi retteý jónindegi komıteti (AFSA) ACLB Management Company Limited kompanııasynyń retteý mártebesin túsindirdi.</p> <!-- [if !supportLineBreakNewLine]--> <p></p> <!--[endif]-->

ACLB Management Company Limited «Astana» halyqaralyq qarjy ortalyǵynda (AHQO) tirkelgen. Alaıda ol qarjylyq qyzmetter usynýǵa AFSA-dan lıtsenzııa almaǵan jáne AHQO sheginde nemese odan tys qarjylyq jarnamalyq áreketterdi júzege asyrýǵa ýákiletti emes.

Kompanııa Proportunity Management Company Limited kompanııasymen baılanysty proportunity.kz platformasy arqyly qarjylyq qyzmetterdi usynýǵa kelisim jasaıtyny AFSA-ǵa málim boldy.

Bul rette atalǵan kompanııalardyń eshqaısysynda tıisti lıtsenzııalary joq.

- AFSA saqtyq tanytýdy jáne ACLB Management Company Limited kompanııasy Proportunity Management Company Limited kompanııasynyń qatysýymen nemese ózi derbes usynatyn qarjylyq qyzmetter men ónimderge qatysty shart jasasýdan bas tartýdy usynady, - delingen habarlamada.

AFSA jurtshylyqty AFSA lıtsenzııa bergen jáne/nemese tirkegen zańdy tulǵalar týraly aqparat qamtylǵan Jarııa tizilimmen tanysýǵa shaqyrady.

Bul zańdy tulǵa usynatyn qarjylyq qyzmetterdi nemese ónimderdi paıdalanbas buryn onyń tıisti lıtsenzııasy bar ekenine kóz jetkizý úshin óte mańyzdy qadam.