Afrıkalyq ǵalym Assan Jaıe JITS-2 qarsy vaktsına ázirlemek

ASTANA. QazAqparat - Islam yntymaqtastyq uıymynyń ǵylym men tehnologııalar jónindegi arnaıy syılyǵyn alǵan gambııalyq Assan Jaıe búgin elordada baspasóz máslıhatyn ótkizip, vırýs ımmýnologııasy salasyndaǵy jumysy jaıynda aıtyp berdi, dep habarlaıdy QazAqparat.

Gambııa medıtsınalyq zertteý ortalyǵynyń aǵa menedjeri Assan Jaıeniń negizgi eńbekteri JITS -2, qyzylsha men V gepatıti syndy vıýrstyq juqpaly aýrýlardyń ımmýnologııasyn zertteýge baǵyttalǵan.

«JITS -2 - bul Afrıkanyń batysynda, Portýgalııa men Frantsııada taralǵan juqpaly aýrý. Bul juqpaly aýrýlarǵa negizinen Afrıkadan kelgen mıgranttar shaldyqqan. Baıqaýymsha, JITS -2-ge shaldyqqan adamdardyń qatary óte kóp. Olarda vırýs «uıqydaǵy» jaǵdaıda. JITS -1-ge shaldyqqandar shamamen 10 jyl aýyryp óledi. Al JITS -2-men aýyratyndar 20 jyldan astam ýaqyt ómir súredi, ózderin qarapaıym adamdardaı saý sezinedi. Sondyqtan da meniń zertteýimde JITS -ge shaldyqqan adamdardyń nelikten uzaq ómir súretindigin anyqtaýǵa baqyttalǵan», - dedi ol.

Afrıkalyq ǵalym zertteý barysynda alǵan bilimin atalǵan vırýsqa qarsy vaktsına ázirleýge jumsaǵysy keledi. Sonymen qatar ol  bul salada Afrıkada jumys isteý qarjynyń tapshylyǵyna baılanysty óte qıyn ekendigin de atap ótti.

«Biz qarajat úshin únemi Eýropa ǵalymdarymen básekege túsemiz. Óıtkeni, qarjy Afrıkadan bólinbeıdi. Biz afrıkalyq úkimetterden mundaı zertteýlerge qarjy bólýdi suraýdamyz», - dedi Jaıe.

Aıta keterligi, keshe Islam yntymaqtastyq uıymynyń sammıti aıasynda Assan Jaıe vırýs ımmýnologııasy jáne medıtsına mamandaryn daıarlaý salasynda jasaǵan ǵylymı eńbegi úshin Elbasy Nursultan Nazarbaevtyń qolynan Islam yntymaqtastyq uıymynyń arnaıy syılyǵyn alǵan edi.