Afrıkada maımyl shesheginen 1 myńnan astam adam qaıtys boldy

<p>ASTANA. KAZINFORM &ndash; Sońǵy bir aptada bul vırýstan 50 adam qaıtys boldy, kontınenttiń 18 elinde qaıtys bolǵandardyń jalpy sany 1,1 myńǵa jetti, dep habarlaıdy <a href="https://tass.ru/obschestvo/22149801" target="_blank" rel="noopener">TASS</a> aqparat agenttigi.</p>

Bul týraly Afrıkadaǵy aýrýlardy baqylaý jáne aldyn alý ortalyǵynyń basshysy Jan Kaseıa málimdedi.

«Biz bul indetpen kúresýdi jalǵastyramyz jáne onyń Afrıkanyń barlyq elderine taralýyn qalamaımyz», - dep keltirdi Associated Press Kaseıanyń sózin.

Ol, sondaı-aq, jaǵdaıdyń baqylaýdan shyǵyp bara jatqanyna qatysty alańdaýshylyq bildirip, halyqaralyq seriktesterdi kómek kórsetýge shaqyrdy.

«Biz bul dertpen kúresti kúsheıtý úshin qur ýáde bere bereı, naqty qarjylaı kómek kórsetýge kóshýimiz kerek», - dedi ol.

Afrıka ortalyǵy men Dúnıejúzilik densaýlyq saqtaý uıymy usynǵan alty aılyq jospardyń boljamdy bıýdjeti shamamen 600 mln dollardy quraıdy, qazirgi kezde onyń 55 paıyzy bólingen.

Zambııa men Zımbabve osy aptada maımyl sheshegi aýrýyn rastady, al Kenııada vırýstan bolǵan ólimniń alǵashqy jaǵdaıy tirkeldi. Rýanda men Kongo Demokratııalyq Respýblıkasynda vaktsınalaý bastaldy.

Tamyz aıynda Dúnıejúzilik densaýlyq saqtaý uıymy Afrıkadaǵy maımyl sheshegi indetin jahandyq densaýlyq saqtaý salasyndaǵy tótenshe jaǵdaı dep jarııalap, aýrýdyń oshaǵy Kongo Demokratııalyq respýblıkasynda ekenin atap ótti. Jyl basynan beri Afrıkada aýrý juqtyrýdyń 42 myńnan astam jaǵdaıy tirkeldi.

Eske sala ketsek, Dúnıejúzilik densaýlyq saqtaý basqarmasy Afrıkada keń taralǵan, ásirese Kongo Respýblıkasynda áserin kúsheıtken maımyl sheshegi vırýsyna (M-pox) baılanysty jahandyq tótenshe jaǵdaı jarııalady.

Shvetsııa úkimeti elde maımyl sheshegi (M-pox) aýrýy tirkelgenin habarlady.

Aqparatty Kazinform úshin arnaıy TASS seriktes agenttigi usynǵan.