Afrıkada maımyl sheshegine shaldyqqandar sany 22,8 myńǵa jetti

<p>ASTANA. KAZINFORM &ndash; 2024 jyldyń basynan beri afrıkalyq elderde mpox vırýsyna (&laquo;empoks&raquo; &ndash; maımyl shesheginiń jańa ataýy) shaldyqqandar sany 22,8 myń adamǵa jetken. Bul týraly Afrıka Odaǵynyń medıtsınalyq qyzmeti &ndash; Afrıkanyń aýrýlardy baqylaý jáne aldyn alý ortalyqtary málimdedi, dep habarlady <a href="https://tass.ru/obschestvo/21702705" target="_blank" rel="noopener">TASS</a> aqparat agenttigi.&nbsp;</p>

Jyl basynan beri vırýs juqtyrǵan 622 adam qaıtys bolǵan. Keıingi aptada aýrýǵa shaldyqqandar sany 200%-ǵa ósti.

Mpox indetiniń oshaǵy – Kongo Demokratııalyq Respýblıkasy (KDR). Aýrýdan eń kóp zardap shegetin jas toby – 15 jasqa deıingi balalar men jasóspirimder.

Keıingi ýaqytta medıtsınalyq qyzmetterdiń vırýs juqtyrý jaǵdaılary men qaıtys bolǵandar sany týraly málimetteri ártúrli bolyp shyqqan. Bul keıbir qyzmetterdiń tek zerthanalyq rastalǵan jaǵdaılardy sanaıtynyna baılanysty, al basqalary mpox kúdikti jaǵdaılaryn da sanaıdy.

Qazir qurlyqtyń densaýlyq saqtaý salasynda mpox taralýyna baılanysty tótenshe jaǵdaı jarııalandy. Aýrý juqtyrǵan adamdar Afrıkanyń 18 elinen anyqtaldy. 14 tamyzda Dúnıejúzilik densaýlyq saqtaý uıymy Afrıkadaǵy mpox indeti halyqaralyq alańdaýshylyq týdyratyn qoǵamdyq densaýlyq saqtaý tótenshe jaǵdaı ekenin jarııalady. 

Eske sala ketsek, buǵan deıin QR Densaýlyq saqtaý mınıstrligi maımyl sheshegin anyqtaýǵa arnalǵan PTR synaqtary satyp alynǵanyn málimdegen bolatyn. Bul rette QR Densaýlyq saqtaý vıtse-mınıstri Erlan Nurlybaev Qazaqstanda maımyl sheshegi aýrýynyń órshý yqtımaldyǵy az ekenin aıtty.

Buǵan deıin habarlaǵanymyzdaı, QR bas sanıtarlyq dárigeri elge maımyl aýrýynyń ákelinýine jol bermeý týraly qaýlyǵa qol qoıǵan. 

Kazinform úshin TASS seriktes agenttigi arnaıy usyndy.