Afrıkada «Freddı» tsıklony 450-den astam adamnyń ómirin qıdy

PRETORIıA. QazAqparat - Afrıkanyń ońtústik-shyǵys aımaqtarynda «Freddı» tropıkalyq tsıklony saldarynan 463 adam qaza tapty. Bul týraly senbi kúni ońtústik afrıkalyq SABC radıostantsııasy málimdedi, dep habarlaıdy QazAqparat TASS-qa silteme jasap.

Aqparat kóziniń jazýynsha, eń kóp shyǵyn Malavıge tıgen, onda 360 adam qaıtys bolǵan. Materıaldyq shyǵyndar, onyń ishinde myńdaǵan úıler men basqa da ǵımarattardyń qıraýynan bolǵan shyǵyn, aldyn ala esepke qaraǵanda, ondaǵan mıllıard dollarǵa baǵalanady.

«Freddı» Avstralııanyń soltústik-batysyndaǵy Úndi muhıtynda paıda boldy jáne 38 kúnge sozyldy, 14 naýryz kúni keshke tarqady. Bul - planetanyń osy bóliginde tirkelgen eń uzyn tsıklon. Freddı epıtsentrindegi jeldiń maksımaldy jyldamdyǵy 62,6 m/s jetti. 8000 shaqyrymnan astam jol júrip ótken tsıklon Mavrıkıı, Madagaskar, Malavı jáne Mozambıkke áser etti.