Afrıkada 250 mıllıonǵa jýyq adam sý tapshylyǵynan zardap shegip otyr

NUR-SULTAN. QazAqparat - Dúnıejúzilik meteorologııalyq uıym (DMU) sý tapshylyǵy, qurǵaqshylyq pen sý tasqyny Afrıka ekonomıkasy men ekojúıesine orasan zııan keltiretini týraly jańa baıandama jarııalady. Muzdyqtar joıylyp, negizgi kólderdiń aýdandary qysqarýda, bul qurlyqtaǵy halyqtyń jappaı kóshýine ákelýi múmkin, dep habarlaıdy QazAqparat BUU Jańalyqtar qyzmetine silteme jasap.

2021 jylǵy Afrıkadaǵy klımattyń jaǵdaıy týraly baıandamada ekstremaldy aýa raıy men klımattyń ózgerýi adamdardyń densaýlyǵy men qaýipsizdigine, sondaı-aq áleýmettik-ekonomıkalyq damýyna nuqsan keltiretini aıtylǵan.

Afrıkaǵa jahandyq parnıktik gazdar shyǵaryndylarynyń shamamen 2-3%-y áser etedi, biraq basqa kontınentterge qaraǵanda proportsıonaldy túrde kóp zardap shegedi.

Qujatta aıtylǵandaı, Afrıkada shamamen 250 mıllıon adam sý tapshylyǵyna tap bolady. 2030 jylǵa qaraı sýdyń jetispeýshiligi shamamen 700 mıllıon adamnyń qonys aýdarýyna ákeledi, Afrıkanyń bes eliniń tórteýi sý resýrstaryn turaqty basqarýdy qamtamasyz ete almaıdy.

Shyǵys Afrıkadaǵy muzdyqtar tolyǵymen joıyla ma, joq pa, bul aımaqtaǵy jaýyn-shashynnyń mólsherine baılanysty. Qazirgi ýaqytta Afrıka halqynyń tek 40%-y tótenshe aýa raıynyń áserinen jáne klımattyń ózgerýinen qorǵaný úshin aldyn-ala eskertý júıelerine qol jetkize alady.

«Afrıkanyń klımattyq jaǵdaıy» baıandamasynda aldyn-ala eskertý júıelerin nyǵaıtý, transshekaralyq yntymaqtastyqty keńeıtý jáne meteorologııalyq málimettermen almasý boıynsha birqatar usynystar bar.

Buǵan deıin Efıopııa, Kenııa jáne Somalıdegi qurǵaqshylyqtan zardap shegip, aýyz sýǵa qol jetkize almaı otyrǵan adamdardyń sany bes aıda 9,5-ten 16,2 mıllıonǵa deıin óskeni habarlanǵan bolatyn. Afrıkanyń Sahel aımaǵyndaǵy balalar da sý tapshylyǵyna tap boldy.

Foto: MOM/Amanda Nero