Afınada Qazaqstannyń Memlekettik týyn saltanatty kóterý rásimi ótti
Іs-sharaǵa Grekııa Respýblıkasynyń Syrtqy ister mınıstri Nıkos Dendıas, Attıka óńiriniń Gýbernatory Georgıos Patýlıs, Grekııa Parlamentiniń depýtattary, astanalyq mýnıtsıpalıtetterdiń merleri, sondaı-aq iskerlik jáne akademııalyq toptardyń ókilderi qatysty.
QR SІM aqparatyna súıensek, Grekııa syrtqy saıasat vedomstvosynyń basshysy Nıkos Dendıas óz sózinde qazaqstandyqtardy táýelsizdiktiń mereıtoıymen quttyqtap, eki el arasyndaǵy qarym-qatynastardyń damýyndaǵy oń dınamıkany atap ótti.
Mınıstrdiń aıtýynsha, Qazaqstan Táýelsizdik jyldarynda óńirdegi beıbitshilik, turaqtylyq pen gúldenýdiń ortalyǵyna aınaldy. Qazaqstan men Grekııanyń negizgi halyqaralyq jáne óńirlik máseleler boıynsha ortaq kózqarasta ekendigin qanaǵattana otyryp atap ótti.
«Sonymen qatar, grek dıplomaty halyq dıplomatııasynyń mańyzdylyǵyna erekshe nazar aýdaryp, Qazaqstandaǵy on myńdyq grek dıasporasy men Qazaqstannan tarıhı Otanyna oralǵan seksen myńǵa jýyq etnıkalyq grekterdiń ekijaqty qarym-qatynastardy damytýdaǵy mańyzdy biriktirýshi faktor bolyp tabylatynyn málim etti», - delingen QR SІM málimetinde.
Óz kezeginde Qazaqstan Elshisi Erlan Baýdarbek-Qojataev Syrtqy ister mınıstri N.Dendıastyń saltanatty rásimge qatysýyn Grekııa basshylyǵynyń Qazaqstanmen keń aýqymdy máseleler boıynsha yntymaqtastyqty nyǵaıtýǵa múddeli ekendigin kórsetetinin atap ótti. Elshi kelesi jyly Qazaqstan men Grekııa arasyndaǵy dıplomatııalyq qarym-qatynastardyń ornaǵanynyń otyz jyldyǵy aıasynda birqatar qoǵamdyq jáne mádenı is-sharalar uıymdastyrý boıynsha birlesken josparlary týraly habardar etti.
Saltanatty is-shara aıasynda «Qazaqstan Respýblıkasynyń Táýelsizdigine 30 jyl» taqyrybyndaǵy dóńgelek ústel de ótti. Bul jıynda Aharnes astanalyq mýnıtsıpalıtetiniń meri Spırıdon Vrettos, Shymkent qalasynyń týmasy, Grekııa Parlamentiniń depýtaty jáne grek zań shyǵarýshylarynyń ishindegi eń jas áıel adam Marııa Apatzıdı, sondaı-aq Qazaqstannyń Grekııadaǵy qurmetti konsýldary men basqa qonaqtar spıkerler retinde sóz sóıledi.
Shara barysynda ulttyq aspaptarmen mýzykalyq qoıylym uıymdastyryldy. Qonaqtardy ataqty grek bıi sırtakıdiń dombyramen oryndalýyn qosa alǵanda, qazaq kúıleriniń sazdy popýrrıi erekshe qyzyqtyrdy.