AES jónindegi referendým qaı mezgilde ótedi – mınıstrlik jaýaby

<p>ASTANA. KAZINFORM &ndash; Energetıka vıtse-mınıstri Suńǵat Esimhanovqa ortalyq kommýnıkatsııalar qyzmetinde ótken brıfıngide AES jónindegi referendým qaı mezgilde ótetinin aıtty.</p>

«AES salý jónindegi referendým 2024 jyly ótedi degen ýáde berilgen edi. Jyldyń tórtinshi aıyna aıaq bassaq ta, áli bastalatyn túri joq. Qaı mezgilde referendým ótýi múmkin jáne referendýmda halyqqa neshe suraq qoıylady?» - dep surady jýrnalıst.

Suńǵat Esimhanov referendým taǵaıyndaý Energetıka mınıstrliginiń quzyrynan tys másele ekenin eske saldy. 

«Referendýmnyń qaı kúni ótetinin memleket pen úkimet basshylyǵy sheshetin shyǵar. Qazir Energetıka mınıstrligi ózine tıesili jumystardy «Samuryq Qazyna» kompanııasyndaǵy áriptestermen birge atqaryp jatyr. Bul – negizinen túsindirý jumystary. Óńirlerde de jumys júrgizilip jatyr. Naqty datasyn, referendým saýaldarynyń mazmuny qandaı bolatynyn úkimet basshylyǵy anyqtaıtyn shyǵar. Eshteńe aıta almaımyn. Kúzde bola ma, jazda bola ma, qysta bola ma, ony ázir aıta almaımyn», - dedi vıtse-mınıstr.