AES-tiń Balqash kóline qandaı áseri bolady - sarapshylar jaýap berdi

<p>ALMATY. KAZINFORM &ndash; AES qurylysyna baılanysty Almatyda ótken qoǵamdyq talqylaý kezinde &laquo;Qazaqstandyq atom elektr stantsııalary&raquo; AQ bas dırektory Tımýr Jantıkın baıandama jasady. Ol elimizde atom energetıkasyn damytýdyń josparlaryn tanystyrdy.</p>

- Qazaqstanda atom stantsııasyn salý múmkindigin zertteý úshin arnaıy «Qazaqstandyq atom elektr stantsııalary» kompanııasy quryldy, men onyń dırektorymyn. Úkimettiń tapsyrmasy boıynsha AES salýǵa eki aýdan qarastyryldy. Onyń biri – búgingi Abaı oblysyndaǵy Kýrchatov qalasynyń mańy, ekinshisi – Almaty oblysyndaǵy Últen aýyly. Osy eki aýdanda AEJHA-nyń (Atom energııasy jónindegi halyqaralyq agenttik) usynystary boıynsha zertteýler júrgizildi jáne ekeýi de atom elektr stantsııasyn ornalastyrýǵa jaramdy ekeni anyqtaldy. Sodan keıin 2019 jyly japon konsortsıýmy táýelsiz saraptama júrgizdi. Olar bizdiń barlyq qujattarymyzdy, ádistemelerimizdi zerttep, alǵashqy atom stantsııasy úshin Almaty oblysyndaǵy Úlken aýylynyń mańy jaramdy degen qorytyndy jasady, – dedi spıker.

Sondaı-aq Tımýr Jantıkın Qazaqstanda atom elektr stantsııasyn salýǵa 13 usynys túskenin, alaıda onyń tek tórteýi iriktelip alynǵanyn atap ótti.

- 2019 jyly biz ózin eń qaýipsiz tehnologııa retinde tanytqan +3 býynynyń reaktorlaryn qarastyryp, usynystardy qabyldadyq. Ártúrli jobalar boıynsha 13 usynys tústi, biz ekeýin alyp tastadyq. Energetıka mınıstrligimen birge krıterııler júıesin ázirlep, oǵan sáıkes jobalardy baǵaladyq. Osylaısha, barlyǵynyń ishine Qytaı, Reseı, Ońtústik Koreıa jáne Frantsııa usynaǵan 4 joba iriktelip alyndy, – dedi ol.

Tımýr Jantıkın «AES-tiń Balqash kóline qandaı áseri bolady» degen suraqqa jaýap berdi. Onyń aıtýynsha, atom elektr stantsııasynyń kesirinen Balqash kóli tartylyp ketedi deý – eshqandaı negizi joq alyp qashpa sóz.

- Atom stantsııasy kóp sý qoldanǵandyqtan, Balqash kólinde ekologııalyq másele týyndaýy múmkin degen alyp qashpa sóz bar. Sý negizinde jumys isteıtin salqyndatý munaralaryn paıdalaǵan jaǵdaıda joba boıynsha jylyna 61 mln tekshe metr sý qoldanylady. Al shyn máninde 30-40 mln tekshe metrden aspaıdy. 61 mln tekshe metr sý degen ne, bul kól betindegi tabıǵı sý býlanýynyń 0,3%-yna teń. ıAǵnı, mundaı stantsııa kólge eshqandaı áser etpeıdi, – dedi maman.

Tımýr Jantıkın sóz sońynda atom elektr stantsııasy salynǵan jaǵdaıda qurylys, mashına jasaý, energetıka, ǵylym jáne bilim berý salalarynda 8000-ǵa jýyq joǵary bilikti jumys oryndary qurylatynyn atap ótti.