AES salýda Reseıdiń usynysyn joǵary baǵalaımyz – Qasym-Jomart Toqaev

<p>Qazaqstanda atom energetıkasyn damytýdyń áleýeti mol. Atalǵan máselege qatysty Memleket basshysy Qasym-Jomart Toqaev reseılik &laquo;<a href="https://iz.ru/1601418/valentin-loginov/otnosheniia-mezhdu-kazakhstanom-i-rossiei-imeiut-bogatoe-proshloe-i-blestiashchee-budushchee" target="_blank" rel="noopener">Izvestııa</a>&raquo; gazetine bergen suhbatynda tolyǵyraq aıtyp berdi, dep habarlaıdy Kazinform.</p>

«Elimizde atom elektr stantsııasyn salýǵa qatysty túrli pikir aıtylyp júr. Bir jaǵynan, Qazaqstannyń atom energetıkasyn damytý áleýeti mol. Elimiz tabıǵı ýran óndirý kólemi jóninen álemde birinshi oryn alady. Sondaı-aq, ıadrolyq otyn komponentterin óz elimizde óndiremiz jáne ýrandy ızotopty baıytý jónindegi qyzmetterge qol jetkize alamyz. Úlbi metallýrgııa zaýytynyń bazasynda Qytaıdyń atom elektr stantsııalary úshin daıyn ıadrolyq otyn shyǵarylady», - dep jaýap berdi Qasym-Jomart Toqaev.

Prezıdenttiń aıtýynsha, kóptegen azamattar men sarapshylar atom stantsııasynyń qaýipsizdigine kúmán keltiredi.

«Semeı ıadrolyq synaq polıgonynyń aýyr qasiretin eskersek, muny túsinýge bolady. Qazaqstan aýmaǵynda atom elektr stantsııasyn salý máselesinde Reseı tarapynyń járdem berý usynysyn joǵary baǵalaımyz. Áıtse de, AES qurylysy jónindegi túpkilikti sheshim referendým qorytyndysy boıynsha qabyldanady», - deıdi Memleket basshysy.