AES qurylysy: Almaty oblysynyń Jambyl aýdanynda qoǵamdyq tyńdaý ótedi

ALMATY. QazAqparat – 28 aqpan kúni saǵat 11:00-de Almaty oblysy Jambyl aýdanyndaǵy Úlken aýyly orta mektebiniń akt zalynda AES qurylysy týraly kópshilik aldynda tyńdaý ótedi. Bul týraly QazAqparat «Samuryq-Qazyna» qorynyń resmı telegram kanalyna silteme jasap habarlaıdy.

«Jergilikti turǵyndardyń joba týraly pikir bildirip, arnaıy qatysatyn sarapshylarǵa suraq qoıý múmkindigi bolady.

Kezdesý uıymdastyrýshysy – Almaty oblysyndaǵy Jambyl aýdanynyń ákimdigi. Aqparattyq qoldaý bildirýshi – «Samuryq-Qazyna» qory. Biz is-sharanyń ashyq ótýin qamtamasyz etemiz.

Kezdesýdi Qordyń YouTube jáne Instagram paraqshalarynan tikeleı efırde kórýge bolady. Sonymen qatar, is-sharaǵa offlaın qatysýǵa bolady. Ol úshin Úlken aýylyna eń jaqyn degen Shyǵanaq temirjol stantsııasyna kelýińiz kerek (jol shyǵynyn qatysýshynyń ózi tóleıdi)», - delingen habarlamada.