AES qurylysyna qatysty referendým: Qyrǵyzstanda daýys berý bastaldy

<p>BІShKEK. KAZINFORM &ndash; Búgin Qazaqstanda atom elektr stansasyn salý boıynsha respýblıkalyq referendýmda daýys berý ótedi. Bishkekte Astana ýaqytymen tańǵy saǵat 6:00-de (jergilikti ýaqyt boıynsha 7:00) Qazaqstannyń Qyrǵyz Respýblıkasyndaǵy Elshiligi ǵımaratynda ornalasqan №396 saılaý ýchaskesi jumysyn bastady, dep habarlaıdy Kazinform agenttiginiń <a href="https://www.inform.kz/ru/referendum-po-aes-startovalo-golosovanie-v-kirgizstane-fb8929" target="_blank" rel="noopener">menshikti tilshisi.</a></p>

Saılaý komıssııasynyń músheleri men qazaqstandyq dıplomattar referendým ótetin alańnyń saltanatty ashylý rásimin ótkizdi. Rásim Qazaqstan Respýblıkasynyń Ánuranymen bastaldy. 

Foto: Gúlmıra Ábdrahmanova/Kazinform

Elshiliktiń málimetinshe, saılaýshylar tiziminde jeke, resmı, bilim berý, iskerlik jáne týrıstik maqsatta Qyrǵyzstanda turatyn nemese elde júrgen 300 qazaqstandyq bar. Olardyń kópshiligi konsýldyq esepte turady. 

Foto: Gúlmıra Ábdrahmanova/Kazinform

Daýys berý saǵat 20.00-ge deıin jalǵasady. Odan keıin ýchaskelik komıssııa músheleri daýysty sanaýǵa kirisedi. Elimizdiń azamattary osy ýaqyt aralyǵynda konstıtýtsııalyq quqyǵyn júzege asyryp úlgere alady. 

Foto: Gúlmıra Ábdrahmanova/Kazinform

Daýys berýge kámelettik jasqa tolǵan qazaqstandyqtar qatysa alady. Ol úshin jeke basyn kýálandyratyn qujaty bolýy kerek. 

Foto: Gúlmıra Ábdrahmanova/Kazinform

Buǵan deıin Seýldegi referendýmda birinshi qazaqstandyq bolyp halyqaralyq uıym qyzmetkeri Kamıla Maýtova daýys bergenin jazǵan bolatynbyz.