AES qurylysy – referendýmda sheshiletin másele: Atyraýda jarııa talqylaý ótti
ATYRAÝ. KAZINFORM – Qazir qoǵamda jıi talqylanyp júrgen máseleniń biri – AES qurylysy. Memleket basshysy Qasym-Jomart Toqaev bul másele referendým arqyly sheshiletin aıtty. Búgin Atyraýda ótken atom elektr stansasyn salý jobasy talqyǵa túsken jarııa talqylaýǵa atqarýshy organnyń, úkimettik emes uıymdar men saıası partııalardyń ókilderi, energetıka salasynyń mamandary, ekologter, sondaı-aq jergilikti turǵyndar men blogerler qatysty. Basqosýda Energetıka mınıstrliginiń, «Qazaqstan atom elektr stantsııalary» JShS, Ulttyq ıadrolyq ortalyq jáne ıAdrolyq fızıka ınstıtýtynyń ókilderi AES qurylysyna baılanysty zamanaýı tehnologııalar týraly, Qazaqstannyń beıbit atomdy damytý tájirıbesi, otandyq ınstıtýttardyń osy saladaǵy júzege ǵylymı zertteýler men tujyrymdaryn tanystyrdy.