AES halyqaralyq qoǵamdastyqtyń qadaǵalaýymen salynady - Gúlmıra Mursalova

ASTANA. QazAqparat – Elimizde atom elektr stansasy halyqaralyq qoǵamdastyqtyń qadaǵalaýymen salynady. Bul týraly Energetıka mınıstrliginiń Atom energetıkasy jáne ónerkásip departamenti dırektorynyń orynbasary Gúlmıra Mursalova aıtty, dep habarlaıdy QazAqparat tilshisi.

«Elektr energııasy teńgeriminiń boljamyna sáıkes, biz qýaty 2,8 gıgavatqa deıin 2 atom stansasyn salýdy josparlap otyrmyz. Árıne, bolashaqta atom energetıkasyn damytýdy jalǵastyrýdy qarastyrýǵa bolady. Qazir álemde shaǵyn modýldik reaktorlardy paıdalaný múmkindigi zerdelenip jatyr. Biz de bul máselesi zerdeleıtyn bolamyz», - dedi Gúlmıra Mursalova Eýrazııa ulttyq ýnıversıtetinde AES-tiń ekologııaǵa áserin talqylaýǵa arnalǵan dóńgelek ústel otyrysynda.

Osy rette ol AES salynǵan jaǵdaıdaǵy elimizdiń ekologııa turǵyndardy tolǵandyratyndyǵyn aıtty.

«AES-ti qaýipsizdik paıdalaný árıne, basty másele. AES qurylysy bastalar aldynda Halyqaralyq atom energetıkasy agenttigi, sonymen qatar halyqaralyq retteýshi daıyndyqty baǵalaý úshin qurylysy alańyna mıssııamen keledi. Qazaqstan Halyqaralyq atom energetıkasy agenttiginiń múshesi jáne bul mıssııanyń kelýin ótinetin bolady. AES qurylysy halyqaralyq qoǵamdastyqtyń qadaǵalaýymen júrgiziletin bolady», - dedi ol.