AES boıynsha referendým bıýlleteninde qandaı saýal bolady

<p>ASTANA. KAZINFORM &ndash; Ortalyq saılaý komıssııasynyń múshesi Sabıla Mustafına bıýlletende bir ǵana suraq bolatynyn naqtylady.&nbsp;</p>

Onyń aıtýynsha, onda «Siz Qazaqstanda atom elektr stantsııasynyń qurylysymen kelisesiz be?» degen basty saýal qoıylady. Qazaqstandyqtar úshin jaýaptyń eki nusqasy qoljetimdi bolady: «ıá, kelisemin» jáne «joq, kelispeımin».

Bıýlletender eki tilde – qazaq jáne orys tilderinde basylady. Olar ýchaskelik komıssııalarǵa daýys berýden keminde úsh kún buryn jáne bir kúnnen keshiktirilmeı jetkiziledi.

Foto: Vıktor Fedıýnın / Kazinform

«Ofsettik basyp shyǵarý, tús, qarip jáne basqa elementter sııaqty qorǵaýdyń polıgrafııalyq ádisterin kózdeıtin daýys berý bıýlleteniniń qorǵalý dárejesi belgilenedi. Qorǵaý dárejesi týraly qaýlyǵa qosymshada «qyzmettik paıdalanýǵa arnalǵan» degen belgi bar», - dep atap ótti S. Mustafına. 

Aıta keteıik, buǵan deıin QR Bas prokýrorynyń orynbasary Jandos Ómiralıev «Prokýratýra týraly» Qazaqstan Respýblıkasy Konstıtýtsııalyq zańynyń 40-babyna sáıkes Qazaqstanda atom elektr stansasyn salý jónindegi referendýmǵa qatysty úndeý jarııalaǵan bolatyn.