AES boıynsha oń sheshim qabyldansa, ony kim salady – Prezıdent jaýaby

<p>ASTANA. KAZINFORM &ndash; AES boıynsha oń sheshim qabyldansa, onda ony halyqaralyq konsortsıým salýy qajet. Bul týraly AES boıynsha referendýmda daýys bergennen keıin BAQ ókilderine shaǵyn suhat bergen Memleket basshysy Qasym-Jomart Toqaev aıtty.</p>

«Eger referendým qorytyndysynda Qazaqstan azamattary AES qurylysyna qatysty máselege qoldaý bildirse, onda ony kim salady?» - dep surady BAQ ókilderi Prezıdentten.

Memleket basshysy bul máseleniń kúrdeli ekendigin atap ótti.

«Úkimet saraptamamen aınalysyp, tıisinshe kelissózder júrgizýi qajet. Degenmen, bul - máselege qatysty meniń jeke kózqarasym. Qazaqstanda eń ozyq tehnologııalarǵa ıe álemdik kompanııalardan turatyn halyqaralyq konsortsıým jumys isteýi tıis. Biraq, munan arǵyny ómir kórsetedi», - dedi Qasym-Jomart Toqaev.

Buǵan deıin Qasym-Jomart Toqaev AES boıynsha referendýmda daýys bergenin jazǵan bolatynbyz. 

BAQ ókilderimen shaǵyn suhaty barysynda Memleket basshysy Úkimet jumysyna baǵa berdi.

Sondaı-aq tilshiler suraǵyna oraı, ustazdardyń qoǵamdyq mártebesi mindetti túrde kóteriletinin aıtty. 

Eske salsaq, Ortalyq referendým komıssııasy tóraǵasynyń orynbasary Konstantın Petrov eldiń barlyq óńirinde Qazaqstanda atom elektr stantsııasyn salý máselesi boıynsha jalpyulttyq referendým bastalǵanyn resmı málim etti.

1 shildedegi jaǵdaı boıynsha el kóleminde 12 176 968 adam referendýmda daýys berýge haqyly.