AES – álemdegi eń arzan elektr energııa kózi – sarapshy

<p>ASTANA. KAZINFORM &ndash; ıAdrolyq fızıka ınstıtýtynyń dırektory Saıabek Sahıev elimizde atom elektr stantsııasyn salýdyń ne úshin qajet ekenin túsindirip berdi.</p>

«Atom elektr stantsııasy – álemdegi eń arzan elektr energııa kózi jáne jasyl energııany almastyra alady. Ol Qazaqstanǵa qajet. 2060 jylǵa qaraı kómirqyshqyl gazy shyǵaryndylary úshin qosymsha salyq tóleý mindetteledi, sebebi ol qorshaǵan ortany lastap jatyr. Sondyqtan qaýipsiz energııa óndirisin damytamyz desek, kómirqyshqyl gazyn shyǵarmaıtyn, ıaǵnı jasyl energetıkany qoldaýymyz kerek», - dedi Saıabek Sahıev elimizde atom elektr stantsııasyn salý máselesi boıynsha elordada ótken qoǵamdyq tyńdaýda. 

Osylaısha ınstıtýt basshysy elimizge atom elektr stantsııasy kerek ekenin aıtyp otyr, onsyz ekonomıkalyq progress bolmaıdy. 

Buǵan deıin Energetıka mınıstrliginiń ókili, qazaqstandyq AES-te apat bolǵan jaǵdaıda kim jaýapty bolatynyna qatysty túsinikteme berdi. 

Odan bólek, maman atom elektr stantsııasynan kómirqyshqyl gaz shyǵaryndylary bolmaıtynyn málimdedi.