Aeroǵarysh komıteti óziniń «Qazǵarysh» brendin saqtap qaldy

ASTANA. QazAqparat -Qazaqstan Respýblıkasynyń memlekettik basqarý júıesindegi reformaǵa sáıkes 2014 jyldyń 14 tamyzynda Ulttyq ǵarysh agenttigi QR Investıtsııalar jáne damý mınıstrliginiń Aeroǵarysh komıteti bolyp ózgertilgeni belgili.

QR IDM Aeroǵarysh komıtetiniń tóraǵasy bolyp Talǵat Musabaev taǵaıyndaldy. Sondaı-aq ol Qazaqstan Premer-Mınıstriniń shtattan tys keńesshisi boldy. QR IDM AǴK-nyń baspasóz qyzmetiniń habarlaýynsha, taıaýda Aeroǵarysh komıteti týraly ereje bekitildi, sondaı-aq QR IDM AǴK tóraǵasynyń orynbasarlary taǵaıyndaldy. Atap aıtqanda, Aeroǵarysh komıteti tóraǵasynyń orynbasarlary bolyp Meıirbek Moldabekov pen Erkin Shaımaǵambetov taǵaıyndaldy. Olar buǵan deıin de QR Ulttyq ǵarysh agenttiginiń tóraǵasy Talǵat Musabaevtyń orynbasarlary bolǵan edi. Aeroǵarysh komıteti tóraǵasynyń orynbasarlarynyń qataryna QR UǴA-nyń burynǵy jaýapty hatshysy Erǵazy Nurǵalıev te qosyldy. Sonymen birge QR IDM tóraǵasynyń buıryǵymen qurylymdyq bólimshelerdiń basshylary men komıtet qyzmetkerleri taǵaıyndaldy. Qurylymdy ońtaılandyrý kezinde Aeroǵarysh komıtetiniń shtattyq sany 10 paıyzdan astam qysqardy. QR IDM-inde bekitilgen buıryq pen Ádilet mnıstrliginen ótken QR IDM Aeroǵarysh komıteti týraly Erejege sáıkes Aeroǵarysh komıtetiniń «Qazǵarysh» degen qysqasha ataýy (nemese brend) saqtalyp qaldy, dep atap ótti baspasóz qyzmetinde.