AEF: Jumyspen qamtý salasyndaǵy ózekti máseleler talqylanady

NUR-SULTAN. QazAqparat - XII Astana ekonomıkalyq forýmy aıasynda BUU-nyń eń kóne mamandandyrylǵan mekemeleriniń biri - Halyqaralyq eńbek uıymynyń (HEU) 100 jyldyǵyna arnalǵan halyqaralyq konferentsııa ótedi, dep habarlaıdy QazAqparat tilshisi.

Qazaqstandyq jáne jetekshi álemdik sarapshylar bolashaq eńbek máselelerin, 4.0 Indýstrııa aıasynda jańa shyn máninde áleýmettik-eńbek salasyn damytýdy talqylaıdy. Konferentsııanyń QR Eńbek jáne halyqty áleýmettik qorǵaý mınıstrligi uıymdastyryp otyr.

«Konferentsııa barysynda eki sessııa josparlanǵan,oǵan QR Premer-Mınıstriniń orynbasary Gúlshara Ábdiqalyqova, QR Eńbek jáne halyqty áleýmettik qorǵaý mınıstri Berdibek Saparbaev, Ózbekstannyń Jumyspen qamtý jáne eńbek qatynastary mınıstri Sherzod Kýdbıev, QR Kásipodaqtar federatsııasynyń tóraǵasy Baqytjan Ábdiraıym, Halyqaralyq áleýmettik qamsyzdandyrý qaýymdastyǵy departamentiniń dırektory Graham Mınton, BCG seriktesi jáne basqarýshy dırektory Sergeı Perapechka, Qazaqstandaǵy ADB ókildiginiń dırektory Djovannı Kapanellı, Germanııanyń Shyǵys Eýropa ekonomıkalyq qatynastary jónindegi komıtetiniń dırektory Mıhael Harms jáne taǵy basqalar qatysady», - delingen taratylǵan málimetti.

Aıta keteıik, elimiz 1993 jylǵy 31 mamyrdan bastap HEU-ǵa múshe.

HEU Halyqaralyq eńbek normalaryn ratıfıkatsııalaýǵa jáne oryndaýǵa járdemdesedi, eńbek jáne áleýmettik máseleler boıynsha aqparat pen taldaý beredi. Halyqaralyq eńbek normatıvteri salasynda Qazaqstan HEU-nyń 24 Konventsııasyn ratıfıkatsııalady.

Konferentsııa bıyl 16 mamyrda saǵat 13:30-da EXPO Kongress-ortalyǵynda ótedi.