AEF sheńberinde Qazaqstannyń álemniń damyǵan 30 eliniń qataryna ený máselesine arnalǵan sessııa ótedi
VI Astana ekonomıkalyq forýmy sheńberinde áleýmettik-ekonomıkalyq saıasattyń problemalarymen aınalysatyn ulttyq jáne halyqaralyq sarapshylardyń, memlekettik organdar men agenttikter ókilderiniń qatysýymen «Qazaqstannyń álemniń eń damyǵan 30 memleketiniń qataryna kirý tujyrymdamasy» taqyrybyna arnalǵan sessııany ótkizedi. Bul týraly mınıstrliktiń baspasóz qyzmetinen habarlandy.
«Jahandandyrý, túpkilikti ǵylymı-tehnologııalyq revolıýtsııa, bilim ekonomıkasyn qalyptastyrý, qorshaǵan ortany qorǵaýmen, álemdik ekonomıka transformatsııasymen, sondaı-aq adamı kapıtal sapasymen baılanysty jańa jahandyq talaptar álemniń jańa beınesin qalyptastyrý protsesinde ózgeristi kezeńge aınaldy. Qazaqstan úshin álemdik ekonomıka transformatsııasy álemdik naryqtarda, tehnologııalar men kapıtal ımportynda, syrtqy ekonomıkalyq ıntegratsııany damytýda pozıtsııalardy nyǵaıtý men keńeıtýde jańa múmkindikterdi jasaıdy. Bul úrdister ózgerip jatqan álemdik konıýnktýrany eskeretin memlekettiń jańa ekonomıkalyq saıasatyn ázirleýdi talap etedi. Jańa talaptar uzaq merzimdi damýǵa turaqty negiz qurý boıynsha mindetter men basymdyqtardyń jańa aıasyn qurady», delingen baspasóz aqparatynda.
Al paneldy sessııanyń maqsaty álemdik ekonomıka damýynyń uzaqmerzimdi trendterin jáne Qazaqstannyń bolashaq eńbek bólinisinde pozıtsııalary men ulttyq jáne halyqaralyq saraptama qaýymdastyǵy ókilderin Qazaqstannyń uzaq merzimdi damý jáne onyń álemniń eń damyǵan top-30 memleketiniń qataryna kirý týraly dıalogqa tartýdy zertteý bolyp tabylady. Sessııa barysynda birqatar ózekti máseleler talqylanatyn bolady. Atap aıtqanda, jahandyq trendter jáne Qazaqstan Respýblıkasynyń álemdik ekonomıkalyq qaýymdastyqtaǵy orny, 2050 jylǵa qaraı álemniń damyǵan top-30 eliniń pozıtsııalaryna jetý áleýeti men faktorlary, Qazaqstannyń básekege qabiletti uzaqmerzimdi áleýmettik-ekonomıkalyq damý úlgisin qalyptastyrý jaıttary talqyǵa arqaý bolmaq.