AEF qorytyndysynda somasy 2,7 mlrd. dollardy quraıtyn 80-ge jýyq kelisim men memorandýmǵa qol qoıyldy - S.Nógerbekov
20:12, 24 Mamyr 2013
ASTANA. 24 mamyr. QazAqparat - VI Astana ekonomıkalyq forýmynyń qorytyndysynda jalpy somasy 2,7 mlrd. dollardy quraıtyn 80-ge jýyq kelisim men memorandýmǵa qol qoıyldy. Bul týraly elordada AEF pen Búkilálemdik daǵdarysqa qarsy konferentsııanyń qorytyndysyna arnalǵan baspasóz máslıhatynda QR Parlamenti Senatynyń depýtaty Serik Nógerbekov málim etti.
«Astana ekonomıkalyq forýmynyń qorytyndysy boıynsha somasy 2,7 mlrd. dollardy quraıtyn shamamen 80 kelisim men memorandýmǵa qol qoıyldy. Tikeleı ınnovatsııalyq tehnologııalar tartyldy. Nobel syılyǵynyń laýreattary, sarapshylar ýnıversıetterde dáris oqydy», - dedi S.Nógerbekov.