AEF qorytyndysynda Búkilálemdik daǵdarysqa qarsy konferentsııanyń negizgi baǵyttary qabyldandy - S.Nógerbekov

ASTANA. 24 mamyr. QazAqparat - VI Astana ekonomıkalyq forýmynyń qorytyndysynda Búkilálemdik daǵdarysqa qarsy konferentsııanyń negizgi baǵyttary qabyldandy. Bul týraly elordada AEF pen Búkilálemdik daǵdarysqa qarsy konferentsııanyń qorytyndysyna arnalǵan baspasóz máslıhatynda QR Parlamenti Senatynyń depýtaty Serik Nógerbekov málim etti.

Onyń atap ótýinshe, forým jumysyna álemniń 132 elinen 12 myńnan astam adam qatysqan. Al Búkilálemdik daǵdarysqa qarsy konferentsııanyń jumysyna 100-den astam memlekettiń memlekettik organdarynyń ókilderi atsalysqan. Sonymen qatar 70-ke jýyq iri buqaralyq aqparat quraldary da belsendi qatysqan. Tolyqtaı alǵanda, AEF jumysyn jazyp kórsetý úshin tirkelgen jýrnalıster sany 803 adamdy quraıdy. Forým barysynda SNN, Eýronıýs syndy alyp medıa kompanııalar men otandyq telearnalardyń qatysýymen 10 telearnalyq pikirsaıys ótken.