AEF-ke qatysatyn spıkerler sany rekordtyq kórsetkishke jetedi

ASTANA. QazAqparat -  QR Ulttyq ekonomıka mınıstri Tımýr Súleımenov XI Astana ekonomıkalyq forýmynyń kún tártibi týraly aıtyp berdi. Atalǵan shara 17-19 mamyr kúnderi ótedi. Bıylǵy forýmnyń taqyryby  - Global Challenges Summit 2018, dep xabarlaıdy QazAqparat tilshisi.

"Aldaǵy forýmǵa keletin spıkerlerdiń sany rekordtyq kórsetkishke jetpek. Álemniń túkpir-túkpirinen 500 spıker qatysady. Olardyń ishinde texnologtar, saıasatkerler, ınnovatorlar - jalpy, óz salasynyń kóshbasshylary bar. Atap aıtsaq, Apple-diń qurylýyna óz úlesin qosqan Stıv Voznıak, tanymal fýtýrolog Mıtıo Kaký sııaqty spıkerler keledi", - dedi T.Súleımenov Úkimet úıinde ótken baspasóz máslıxatynda.

Mınıstrdiń aıtýynsha, bıylǵy forýmnyń taqyryby keńeıip otyr. Qatysýshylar naqty 11 jahandyq qaýip-qaterlerdi talqyǵa salady.

"Forýmnyń kún tártibi resmı saıtta jarııalandy. Kez kelgen adam oqyp, tanysa alady. Árıne, buqaralyq aqparat quraldary xalyqty keńinen xabardar etse, adam kóp keledi. Al adam kóp kelse, bárimiz el retinde, xalyq retinde óz áleýetimizdi kótere alamyz", - dep atap kórsetti T.Súleımenov.

Eske salaıyq, sammıt spıkerleriniń qatarynda sondaı-aq Frantsııanyń burynǵy prezıdenti Olland Fransýa, fızık, fýtýrolog Mıtıo Kaký, Halyqaralyq olımpıada komıtetiniń Etıka jónindegi komıssııasynyń tóraǵasy jáne BUU-nyń burynǵy Bas hatshysy Pan Gı Mýn, Golman Sachs burynǵy tóraǵasy Djım O'Nıl jáne basqa da tanymal tulǵalar bar.