AEF: Elordada 9 mlrd dollarlyq 45 kelisimge qol qoıyldy

NUR-SULTAN. QazAqparat - Úkimet basshysy Asqar Mamınniń tóraǵalyǵymen ótken «Kazakhstan Global Investment Rountable» dóńgelek ústelinde quny 9 mlrd AQSh dollaryn quraıtyn kelisimderge qol qoıyldy, dep habarlaıdy QazAqparat tilshisi.

KGIR-2019 qazaqstandyq jáne sheteldik ınvestorlar úshin mańyzdy ınvestıtsııalyq oqıǵalardyń biri bola otyryp, óz alańynda 1100-den astam iri álemdik jáne qazaqstandyq kompanııalardyń basshylaryn, halyqaralyq sarapshylar men memlekettik uıymdardyń ókilderin jınady. Olardyń ishinde 600-den astam 41 elden kelgen qonaqtar, sondaı-aq «Cisco», «Nokia», «CITIC Bank Corporation», «WILO SE Group», «AGCO Corporation», «Valmont Industries», «Tyson Foods», «Yildirim Group» jáne taǵy basqa iri kompanııalardyń top-menedjerleri bar.

Іs-shara barysynda qatysýshylar jalpy quny 8,9 mlrd AQSh dollaryn quraıtyn 45 kommertsııalyq kelisimge qol qoıdy.

AEF-tiń búgingi sessııasynyń qorytyndy brıfınginde birshama ınvestıtsııalyq kelisimderge qol qoıylady. Atap aıtqanda, tyń memorandýmdarǵa sáıkes, Reseılik kompanııa Túrkistanda 500 gektarlyq jylyjaı salýdy kózdese, Túrkııalyq «Yildirim Holding» kompanııasy Jambyl oblysynda kaltsıı qosylǵan soda zaýytyn turǵyzbaq.

Sol sekildi reseılik AEON korporatsııasy Aqtóbe qalasyndaǵy áýejaıdy qaıta jóndeýden ótkizbek.

Gaz-hımııa salasynda Mańǵystaý oblysynyń ákimdigi men «Westgasoil» kompanııasy (Sıngapýr) metanol jáne olefınderdi óndirý jobasyn júzege asyrý boıynsha yntymaqtastyq týraly kelisimge qol qoıyldy. Jobany júzege asyrylýy hımııa ónimderdin óndirýin ornalastyryp, eldiń gaz-hımııa keshenin damytý arqyly ımport almastyrýdy qamtamasyz etedi.

Sonymen qatar, bilim berý salasynda elimizdiń úsh aımaǵy Nur-Sultan, Almaty jáne Shymkent qalalarynda sıngapýrlyq ınvestor (Kinder World) «Bilim metropolısin salý - mektep, kolledj, ýnıversıtet» jobasynyń jol kartasyna qol qoıdy. Jaqyn arada Nur-Sultan qalasynda halyqaralyq mektepter jelisi, kolledj jáne bilim berý kesheni salynady.