AEF: Djım O'Nıl álemdik ekonomıkadaǵy azııalyq tutynýshylardyń mańyzdy rólin atady
«Álemdegi ekonomıkalyq damýdyń negizinde ne jatqany týraly maǵan suraq qoıylyp otyr. Meniń jaýabym ol - tutynýshy. Ásirese, bul jerde azııalyq tutynýshynyń róli mańyzdy. Osy pikirimdi dáleldep berýge ruqsat etińizder. 2010 jyly álemdegi JІÓ ortasha eseppen 3,7 paıyz ósken edi. Bul odan 10 jyl burynǵy kórsetkishten asa kóp emes. Eń mańyzdysy - 2010 jyldan keıingi onjyldyq JІÓ mólsheriniń artqanyn kórsetip otyr», - deıdi ol.
Djım O'Nıldiń aıtýynsha, sońǵy on jylda álemdik dárejedegi ekonomıkalyq ósim báıgesinde ásirese eki aımaq «oza shapqan». Ol - Qytaı men AQSh.
«Meniń esepteýimshe, barlyq jahandyq dollarlyq ózgeristerdiń 84 paıyzy AQSh jáne Qytaımen baılanysty bolyp otyr. Osy úlestiń basym bóligi AQSh, Qytaı jáne Úndistanǵa tıesili. Eýropalyq odaq, Reseı, Brazılııa elderiniń bul rette ósimi tómen. Sondyqtan, biz keleshekke oı júgirtip kórelik. AQSh pen Qytaı sońǵy onjyldyqta ekonomıkalyq ósimniń 35 paıyzyna ıe boldy. Al EO ol úlestiń tórtten birin, al Brazılııa, Reseı men Úndistan 5 paıyzdy qosty. Bul - óte úlken suraq. Sebebi, Eýropalyq odaq, Brazılııa, Reseı óz ósim tuǵyryna qaıtyp kele ala ma?», - dedi qarjyger.
«AQSh basshylyǵynyń bul rette jahandyq tıimdi joldy tańdaýy ońdy bolar edi. Bul meniń oıym. Qazir Qytaı árdaıym osyǵan deıin ekonomıkanyń joǵary dárejede sýbsıdııalanatyn sektoryna ıe el bolyp keledi. Qazirgi ýaqytta barlyq ósim tutynýshynyń aınalasynda bolyp otyr. Aıta keterligi, biz tirkep otyrǵan ekonomıkalyq ósimdegi 20 paıyzdyq ózgerister qytaılyq tutynýshylardyń ózgeristerine qaraı qubylady. Úlgi keltireıin. Stıv Voznıaktyń «Apple» kompanııasy AQSh-tan góri Qytaıǵa kóptep aıfon sata bastady. Qytaı halqynyń 20 paıyzy ǵana 260 mln - Ulybrıtanııa halqynan tórt esege kóp. Bul álbette, damýǵa áser etedi», - dedi ol.