AEF: Básekelestikti ilgeriletýdiń «jańa oıyn erejeleri» arnaıy sessııada talqylanbaq
«Astana ekonomıkalyq forýmy - Eýrazııalyq keńistiktegi jyl saıyn ótetin tarıhı oqıǵa. Osyǵan oraı, jylda Qazaqstan astanasynda álemdik ekonomıkalyq qoǵamdastyqtyń ókilderi, qazirgi jáne burynǵy memleket basshylary, Nobel syılyǵynyn laýreattary, ǵylymı álemniń ókilderi men bıznesmender jınalady. Bıylǵy jyly mamyr aıynyń 25-26 kúni ótetin IX AEF basty taqyryby - «Jańa ekonomıkalyq shynaılyq: ártaraptandyrý, ınnovatsııalar jáne bilim ekonomıkasy». Sondaı-aq, AEF sheńberinde 25 mamyr 2016 jyly básekelestik máseleri boıynsha keńes ótedi», - delingen baspasóz baıanynda.
Memleket basshysy N.Nazarbaevtyń bes ınstıtýttyq reformany júzege asyrý jónindegi «100 naqty qadam» Ult Josparynda monopolııaǵa qarsy qyzmettiń jumys tujyrymdamasyn ózgertý jáne EYDU standarttaryna sáıkes keltirý (53-qadam) kózdelgen. Osy maqsatta Qazaqstan Respýblıkasynyń monopolııaǵa qarsy zańnamasyn ozyq halyqaralyq tájirıbege jáne halyqaralyq standarttarǵa sáıkes keltirý jumystary júrgizilýde.
«2015 jylǵy 29-30 qazanda Parıj qalasynda EYDU-nyń Básekelestik jónindegi jahandyq forýmynyń otyrysy ótti, onyń sessııalarynyń biri Qazaqstan Respýblıkasynyń básekelestik quqyq salasyndaǵy zańnamasy jáne saıasatyna saraptamalyq sholýǵa arnaldy. Sondaı-aq, bıyl Qazaqstan Respýblıkasynyń monopolııaǵa qarsy retteýge 25 jyl tolyp otyr, muny atap ótý mańyzdy oqıǵa ekeni sózsiz. Osyǵan baılanysty, Astana ekonomıkalyq forýmy aıasynda atalǵan sessııa uıymdastyrylmaq.
Sessııa baǵdarlamasynda QR Premer-Mınıstriniń birinshi orynbasary B.Saǵyntaevtyń, EYDU-nyń Básekelestik jónindegi komıteti tóraǵasy Frederık Jennıdiń jáne álemniń jetekshi monopolııaǵa qarsy organdary ókilderiniń sóz sóıleýi josparlanǵan. Sessııaǵa qatysýshylar EYDU-nyń standarttaryna jáne úzdik halyqaralyq tájirıbege sáıkes keltirý maqsatynda Qazaqstan Respýblıkasynyń monopolııaǵa qarsy zańnamasyna engizilgen sońǵy ózgeristermen tanysady», - delingen baspasóz baıanynda.
Sessııanyń negizgi maqsaty - Qazaqstannyń qazirgi zamanǵy ekonomıkalyq saıasatyn damytýdaǵy monopolııaǵa qarsy retteý men básekelestikti qorǵaýdyń rólin jáne ony odan ári damytý perspektıvasyn kórsetý.