AEF aıasynda memlekettik qyzmet máselelerine arnalǵan konferentsııa ótýde

ASTANA. QazAqparat - Búgin elordada VIІ Astana ekonomıkalyq forýmy aıasynda «Memlekettik qyzmet personalyn basqarý: ahýaly men bolashaǵy» atty taqyrypta jahandyq konferentsııasy óz jumysyn bastady.

QR Memlekettik qyzmet isteri agenttiginiń tóraǵasy Álıhan Baımenovtiń aıtýynsha, forým aıasyndaǵy bundaı halyqaralyq konferentsııa tájirıbe men pikir almasýǵa, sondaı-aq jańa izdenis pen zertteýlerdiń nátıjelerimen tanysýǵa úlken múmkindik beredi. Sonymen qatar, bul shara Astana ekonomıkalyq forýmynyń sarapshylar jelisin keńeıtý men yntymaqtastyqtyń jańa túrlerin anyqtaýda erekshe ról atqaryp otyr. «Jalpy, memlekettik qyzmetti damytý álemniń barlyq memleketindegi úkimetteri úshin mańyzdy mindet bolyp tabylady. Jahandaný men jańa syn-qaterler, qoǵamnyń joǵary suranysy memlekettik qyzmet apparatynyń jumysyn únemi jetildirip otyrýdy talap etedi. Bul halyqqa sapaly memlekettik qyzmetter kórsetip, el múddesi úshin sapaly sheshimder qabyldaý úshin qajet. Barlyq memleketter úshin ortaq máseleler, sondaı-aq ár óńirdiń óziniń jeke problemalary bar. Munymen qatar, ár memlekettiń úkimeti memlekettik qyzmetti reformalaýdyń kún tártibin ózi belgileıtini anyq. Astana ekonomıkalyq forýmy aıasynda ótip otyrǵan mundaı tájirıbe men bilim almasýdyń mańyzdylyǵyn erekshe atap ótkim keledi», - dedi konferentsııanyń ashylýy barysynda QR Memlekettik qyzmet isteri agenttiginiń tóraǵasy Á. Baımenov.