AEF aıasynda Eýrazııa ulttyq ýnıversıtetinde jas ǵalymdardyń ǵylymı konferentsııasy ótpek

ASTANA. QazAqparat - 25 mamyrda L.Gýmılev atyndaǵy Eýrazııa ulttyq ýnıversıtetinde IH Astana ekonomıkalyq forým aıasynda «Jahandaný jaǵdaıyndaǵy jańa ındýstrııalandyrý Qazaqstannyń ekonomıkalyq ósýiniń draıveri retinde» atty halyqaralyq jas ǵalymdardyń ǵylymı konferentsııasyn ótkizý josparlanýda.

Atalǵan bilim ordasynyń rektory, tarıh ǵylymdarynyń doktory, professor, QR UǴA akademıgi Erlan Sydyqovtyń moderatorlyǵymen ótetin konferentsııada kóptegen sheteldik belgili tulǵalar sóz sóıleıtin bolady. Alqaly jıyn aıasynda "Ekonomıkalyq ǵylym Qazaqstannyń ekonomıkalyq ósýi men ındýstrııalandyrýynyń negizi», «QR qarjy sektorynyń jahandaný jaǵdaıynda ekonomıkalyq ósýdi qamtamasyz etýdegi róli», «Týrızm damýy Qazaqstannyń ındýstrııalyq jáne áleýmettik jańǵyrýynyń quraly», «Úshinshi ındýstrııalyq revolıýtsııa jaǵdaıynda Qazaqstannyń ekonomıkalyq ósýi» syndy sektsııalar ja jumys isteıtin bolady.

Jalpy, konferentsııanyń maqsaty - ındýstrııalandyrýdyń ekonomıkalyq ósýdiń draıveri retinde damýyna qatysty pikir jáne tájirıbe almasý, jahandaný jaǵdaıynda Qazaqstannyń ekonomıkalyq ósýin sátti qamtamasyz etý úshin mańyzdy usynystar men sheshimderdi talqylaý.