AEF: Apple negizin qalaýshylardyń biri tabysqa jetý qupııasyn aıtyp berdi
«Oqyp júrgenimde matematıkadan, sonymen qatar ǵylymnan úlgerimim jaqsy boldy. Ol kezde tsıfrlandyrý týraly eshteńe bilmeıtin edi. Sol kezde kompıýter mektepte jáne JOO-larda da jan-jaqty qoldanylmaıtyn. Ómirimdi jeńildetý úshin birdeńe jasaýǵa degen yntam boldy. Osynaý kip-kishkentaı chıpti kompıýterge qalaı qosýǵa bolady dep ózime saýal qoıdym», - dep atap ótti ol.
Amerıkalyq ónertapqysh kez kelgen kompıýterdi 2 jyldyń ishinde jobalap shyǵýǵa bolady degen túsinigi bolǵanyn aıtty.
«Birde ákem quny birshama qymbat bolatyn kompıýterdiń paıda bolatynyn aıtty. Biz ol kezde bul jaıynda tek armandaıtyn ǵana edik. Men álemdegi eń tanymal gadjetterdi jobalaýmen aınalysa bastap, kompıýterlik klýb uıymdastyrdym. Jáne de bul vıdeo oıyndar qalaı jumys isteıtindigin túsiný úshin jasalǵan edi. Buǵan qosa, biz ýnıversıtettik jeli quraıyq dep sheshtik. Biraq, bul ıdeıamyzdy júzege asyrý úshin bıýdjetimiz bolmady. Barynsha qýatty kompıýterge qol jetkizýge umtylǵan qarapaıym adamdar edi. Bul klýbta professorlar da bizben birge osynaý áleýmettik ıdeıany talqylaıtyn. Alaıda biz qýaty joǵary, jyldam jumys isteıtin, úırete alatyn kompıýter jasaǵymyz keldi», - dedi Stıv Voznıak.
Onyń aıtýynsha, dál sol aralyqta olardyń komandasyna áli eshkimge tanys emes Stıv Djobs kelip qosylǵan.
«Stıv barynsha qyzyǵýshylyq tanyta kele: «Ózimiz nege kompanııa qurmasqa? Bıznesti odan ary damytý úshin aqsha tabý qajet», dedi. Mende barynsha adal boldym jáne oǵan ıdeıany Hewlett-Packard-qa satýdy usyndym. Óıtkeni olar bes ese jyldam jumys isteı alatyn alǵashqy derbes kompıýterdi qurastyra alatyn edi. Degenmen, Stıv bul bıznesti bastap, biz Apple kompanııasyn uıymdastyrdyq», - dedi ol.
«Mine, dál osylaı bizdiń jumysymyz birtindep damydy. Siz qalamsaptyń kómegimen bir sóz jazsańyz mashına túsinetin bolady. Osyny jasaǵannan keıin beısenbi kúni keshki saǵat 5-te tis dárigerim Sarýǵa barý kerek dep jazdym. Enter-di basyp qalǵanymda mashına meniń kúntizbemdi ashyp, atalǵan jazbany tirkep qoıdy. Men qatty tańǵaldym. Bul meniń ómirimdi túbegeıli ózgertti. Men birdeńe jazdym, al mashına ony túsindi. Qazir siz kompıýterińizben dostyq peıilmen sóılese alasyz. Ol sizge jaýap ta beredi. Bul tańǵalarlyq jaıt edi», - dedi Stıv Voznıak.