AEF-2018: Qazaqstan ICO-ny qolǵa alsa, qyrýar qarjyny tarta alady
Ońtústiń Koreıanyń ókili Seýng-Kı Kımniń aıtýynsha, búginde Koreıa úkimeti krıptovalıýta naryǵyn jiti baqylap keledi. Qazirgi kezde zańnamaǵa taǵy ózgeristerdi engizý máselesi qaralyp jatyr. Tipti, salyq salý jaǵynan da birqatar túzetýler bolady. "Mysaly, Ońtústik Koreıanyń tsıfrlyq bırjalaryna zańsyz aqsha, ıa bolmasa, bireýler qarjyny jylystatamyn dese, ondaı áreketterdiń bári birden kórinetin bolady. Bylaısha aıtqanda, zańsyz qarjy operatsııalary qatań baqylanady. Negizi, bas kezinde Koreıanyń krıptovalıýta naryǵynda spekýlıatıvti áreketter kóp boldy. Biraq el úkimeti bárin retke keltire bildi", - dedi Seýng-Kı Kım.
Onyń aıtýynsha, qazirgi kezde Ońtústik Koreıada ICO-ny ótkizýge tyıym salynǵan. Sol sebepti koreıalyq kompanııalar shet elderge, sonyń ishinde Shveıtsarııa men Sıngapýr naryǵyna shyǵyp júr. "Sizderge Belarýs sııaqty elderdiń tájirıbesin engizý kerek. Eger Qazaqstan ICO-ny qolǵa alsa, onda kóptegen koreıalyq kompanııalar osy naryqqa keledi", - dep atap kórsetti Seýng-Kı Kım.
Aıta keteıik, sessııa kezinde Qazaqstannyń blokcheın jáne krıptovalıýtalary qaýymdastyǵynyń prezıdenti Eset Býtın tsıfrlyq aqshanyń maınıngi týraly aıtyp berdi. Al Mıxaıl Senatorovtyń aıtýynsha, kórshi Reseı óziniń ulttyq krıptovalıýtasyn jasap shyǵarýy ábden múmkin.