Advokatýraǵa elektrondyq júıeni engizýdiń mańyzy zor - Baǵdat Mýsın

ASTANA. QazAqparat - Qazaqstandaǵy advokatýra salasyna elektrondyq advokatýra júıesin engizýdiń mańyzy zor. QR Bas prokýratýrasynyń quqyqtyq statıstıka jáne arnaýly esepke alý komıtetiniń tóraǵasy Baǵdat Mýsın óziniń Feısbýktegi paraqshasynda jazdy, dep habarlaıdy «QazAqparat» HAA tilshisi.

«Qylmystyq protsesterdi jańǵyrtýǵa qatysty konferentsııaǵa qatysýdamyn. Marat Beketaevty (Ádilet mınıstri - avt) tyńdaı otyryp, advokatýra shynynda da elektrondyq júıege muqtaj ekenine kózim jete bastady. Máselen, ol «Order ne úshin kerek?» degen suraq qoıady. Orderdiń ne ekenin bilmeıtin adamdar úshin: ol advokatqa sizdiń isińizben aınalysýǵa múmkindik beretin bir bet qaǵaz. Ol advokattar kollegııasymen beriledi. Shynynda da, ispen aınalysý úshin kollegııa beretin order ne úshin kerek? Bul arhaızm. Bul protsestiń kóp ýaqyt talap etetinin qoıa turyp, advokattardyń kollegııaǵa táýeldiligin kúsheıte túsedi. Orderdi advokat jumysyna áserin tıgizetin tetik retinde de qoldanylýy múmkin degen pikir qalyptasady», - deıdi ol.

Baǵdat Mýsın óz jazbasynda elektrondyq advokatýra arqyly orderdi berýdi avtomattandyrýǵa bolatyndyǵyn aıtty.