Advokattyń qyzmetine kedergi keltirgen memorgan ókiline 140 myń teńge aıyppul salynady

ASTANA. QazAqparat – Endi advokattyń tergeý sharalaryna qatysýyn jasandy shekteıtin qylmystyq protsesti júrgizetin organ qyzmetkerlerine 140 myń teńgege jýyq aıyppul salynady, dep habarlaıdy QazAqparat tilshisi.

«Sottardyń, prokýratýranyń jáne qylmystyq protsesti júrgizetin organdardyń ákimshilik ǵımarattaryna erkin qoljetimdilik usynbaýdan ne tapsyrmany oryndaý kezinde tehnıkalyq quraldardy paıdalaný quqyǵyn shekteýden ne advokattyń klıentpen kezdesýi men qarym-qatynasynyń qupııalylyǵyn qamtamasyz etetin jaǵdaılardy qamtamasyz etpeýden kórinetin, advokattyń ne advokattar alqasynyń, zań konsýltatsııasynyń, advokattyq keńseniń zańdy qyzmetin júzege asyrýǵa kedergi jasaý nemese advokattardyń zańdy qyzmetine kedergi keltirýge baǵyttalǵan ózge de is-áreketter, eger bul áreketterde qylmystyq jazalanatyn is-áreket belgileri bolmasa - jeke tulǵalarǵa – 20 (69 000 teńge) , laýazymdy adamdarǵa – 30 (103 500 teńge) jáne zańdy tulǵalar men dara kásipkerlerge - 40 (138 000 teńge) AEK aıyppul salýǵa alyp keledi», - delingen Májilis depýtattarynyń bastamasymen ózgeris engizý usynylǵan QR Ákimshilik quqyq buzýshylyq kodeksinińjańa redaktsııasynda.

Al, eger advokatqa qatysty osy áreketter qaıtalanyp jasalsa, onda aıyppul somasy artady. Atap aıtqanda, jeke tulǵalarǵa – 30 (103 500 teńge), laýazymdy adamdarǵa qyryq jáne zańdy tulǵalar men dara kásipkerlerge – 50 (172 000 teńge) AEK kóleminde aıyppul salynady.