Advokat óz qorǵaýyndaǵy adamǵa jetý úshin saǵattap kútip turady - zańger

ASTANA. QazAqparat – Almaty qalalyq advokattar alqasynyń advokaty, zań ǵylymdarynyń kandıdaty Danııar Kanafın quqyq qorǵaý organdarymen ózara is-qımyl salasyndaǵy problemany aıtty, dep habarlaıdy QazAqparat tilshisi.

«Memlekettik qyzmettiń azamattar úshin ashyqtyǵy turǵysynan alyp qarasaq, onda bul ǵımarattarǵa (quqyq qorǵaý organdary) kirý áldeqaıda erkin bolýy kerek. Qazir front-ofıster qurylyp jatqany belgili. Bul tájirıbe áli de damyp, azamattar men memelkettik qurylymdar arasynda baılanysty jetildiredi dep úmittenemin. Biraq qazir áńgime ol týraly emes. Osy ýaqytqa deıin advokat óz qorǵaýyndaǵy adamǵa jetý úshin keıde saǵattap kútip turady. Kún sýyq bolsa da, osy ǵımarattyń kireberisinde kútip turýǵa májbúr», - dedi D. Kanafın Májiliste advokatýra taqyrybyna arnalǵan dóńgelek ústel otyrysynda.

Onyń aıtýynsha, bul ýaqyt aralyǵynda klıentke moraldyq-psıhologııalyq turǵyda qysym jasalýy múmkin.

«Ony jaýap berýge kóndirýi yqtımal nemese basqa da túrli aılalar men ádister arqyly teris dáleldemelik bazany qurýǵa yqpal etedi. Qorǵaý quqyǵyn qamtamasyz etýdiń, advokattyń mártebesin kóterýdiń bir joly osy máseleni sheshý dep bilemiz», - dedi zańger.

Budan buryn habarlanǵandaı, Respýblıkalyq advokattar alqasynyń tóraǵasy Aıdyn Bıkebaev saladaǵy máselelerge qatysty usynystaryn jarııalady.

Onyń paıymynsha, advokat mamandyǵyn «Dıplommen aýylǵa» jobasyna engizý kerek.

Ashy q k ó zderden alyn ǵ an foto